Arquivo de noticias do CCG

O Consello da Cultura Galega, a través da Sección de Música e Artes Escénicas, que coordinha Maximino Zumalave, organizou dous concertos en homenaxe ao gran violinista galego de proxección internacional Manuel Quiroga Losada (Pontevedra, 1892-1961). O primeiro tivo lugar hoxe con gran éxito de público. O segundo será mañá día 9 ás 19 horas e tamén no Salón de Actos da institución.

O Consello da Cultura Galega organizou dous concertos en homenaxe ao gran violinista galego de proxección internacional Manuel Quiroga Losada (Pontevedra, 1892-1961). Xunto co ciclo conmemorativo dos cincuenta anos do pasamento do xenial músico a Sección de Música e Artes Escénicas, que coordina Maximino Zumalave, presentou tamén o web “Vento que zoa” (www.consellodacultura.org/ventoquezoa/) un espazo para difundir en Internet as creacións dos compositores galegos. O Presidente do CCG, Ramón Villares, subliñou a importancia do legado de Manuel Quiroga, “unha figura da contemporaneidade cultural galega, coetáneo da Xeración Nós, de Ramón Cabanillas e de Manuel Antonio”.

Será necesario buscar novas formas de difundir a música nun tempo de crise que se fará sentir máis nos dous ou tres vindeiros anos. Así o entende o crítico Álvaro Guibert, que  esta tarde abriu  a xornada de debate ORDENAMENTO MUSICAL EN GALICIA. A RACIONALIZACIÓN DOS RECURSOS MUSICAIS, organizada pola Sección de Música e Artes Escénicas do Consello da Cultura Galega.

Os relatores que interviron esta tarde na xornada de debate “As Ensinanzas Superiores de Música e Artes Escénicas no espazo Europeo de Educación Superior: situación e perspectivas” salientaron a necesidade de desenvolver o marco normativo actual e o estatuto e estabilidade dos docentes.

A Sección de Música e Artes Escénicas do Consello da Cultura Galega celebrará este venres, día 13 de maio, diversos actos de homenaxe e recuperación da obra do violinista pontevedrés Manuel Quiroga (1892-1961). O doutor Enrique Jiménez Gómez pronunciará unha conferencia sobre o músico ao que lle seguirá un concerto a cargo do profesor Agustín León Ara (violín) e Alfredo Oyáguez (piano) baixo o título "Manuel Quiroga, tras dos sendeiros de Sarasate".

A Sección de Música e Artes Escénicas do Consello da Cultura Galega celebrará este venres, día 13 de maio, diversos actos de homenaxe e recuperación da obra do violinista pontevedrés Manuel Quiroga (1892-1961). O doutor Enrique Jiménez Gómez pronunciará unha conferencia sobre o músico ao que lle seguirá un concerto a cargo do profesor Agustín León Ara (violín) e Alfredo Oyáguez (piano) baixo o título "Manuel Quiroga, tras dos sendeiros de Sarasate".