Arquivo de noticias do CCG

O músico Pablo Carpintero Arias acaba de ceder ao Arquivo Sonoro de Galicia, do Consello da Cultura Galega, unha colección de 325 horas de gravacións sonoras, principalmente de música instrumental, de gaiteiros e cantos de reis. O acto de sinatura da cesión tivo lugar este mércores na sede do CCG coa asistencia de Pablo Carpintero, do coordinador do Arquivo Sonoro de Galicia, Rodrigo Romaní, do xerente da institución, Antonio Montero, e de Luis Costa, membro da Comisión Técnica do Arquivo Sonoro e musicólogo recoñecido.

A Sección de Literatura e Industrias da Edición do Consello da Cultura Galega celebrará este xoves, día 31, a súa tertulia literaria mensual arredor do tema "Literatura e compromiso". No encontro participarán, ademais de membros da Sección organizadora, o escritor Suso de Toro, o dramaturgo e membro da Real Academia Galega Euloxio R. Ruibal e o poeta e vicepresidente das Redes Escarlata Xabier Cordal.

O Consello da Cultura Galega (CCG) presentou esta mañá en Santiago de Compostela o "Libro branco de cinematografía e artes visuais en Galicia", unha obra que pretende achegarse ao fenómeno da creación audiovisual desde a vertente económica e cultural e coñecer e valorar as necesidades culturais do pobo galego no ámbito das artes visuais.

O Consello da Cultura Galega (CCG) presentará este martes, día 15, o "Libro branco de cinematografía e artes visuais en Galicia". Con esta obra, O CCG pretende achegarse ao fenómeno da creación audiovisual desde a vertente económica e cultural e coñecer e valorar as necesidades culturais do pobo galego no ámbito das artes visuais. Este achegamento a un sector clave pretende facerse tendo en conta aos axentes implicados: creadores, promotores, mediadores e investigadores.

Co gallo da celebración do Día Internacional da Muller, o Consello da Cultura Galega (CCG) presenta esta tarde, ás 17:30, un novo grupo de traballo da institución: a Comisión Técnica de Xénero, pertencente á Sección de Filosofía e Pensamento. O coordinador da Sección, o profesor e teólogo Andrés Torres Queiruga, destaca que a idea de crear esta Comisión veu da necesidade de encher o baleiro existente no campo do pensamento sobre estudos de xénero en Galicia. A relevancia e a destacada presenza da muller na sociedade facía necesario, para esta institución, a creación dun grupo específico dentro da Sección de Filosofía e Pensamento que dese conta da historia e situación da muller na Comunidade.

Co gallo da celebración do Día Internacional da Muller, o Consello da Cultura Galega (CCG) presentará este martes, día 8, un novo grupo de traballo da institución: a Comisión Técnica de Xénero, pertencente á Sección de Filosofía e Pensamento.

A Sección de Patrimonio Histórico do Consello da Cultura Galega (CCG) presentou esta mañá o Catálogo da Colección Guerra Campos do Arquivo da Catedral de Santiago de Compostela. Trátase da recompilación en formato electrónico de preto de 3.200 unidades documentais pertencentes ao que fora bispo auxiliar da cidade compostelá e un dos principais coñecedores do tema xacobeo, monseñor Guerra Campos.

O Consello da Cultura Galega (CCG) presentará este martes, día 1 de marzo, o catálogo do fondo documental "Guerra Campos" do Arquivo-Biblioteca da Catedral de Santiago de Compostela.

A Sección de Literatura e Industrias da Edición do Consello da Cultura Galega celebrará este xoves, día 24, a súa tertulia mensual baixo o título "Ciberliteratura".

O "IV Encontro O Son da Memoria. A música galega na emigración" continúa hoxe no Consello da Cultura Galega rendéndolle homenaxe a unha das figuras máis destacadas da música galega na emigración, o compositor galego Andrés Gaos Berea.

O Consello da Cultura Galega acolle desde esta mañá a celebración do IV Encontro O Son da Memoria, organizado polo Arquivo Sonoro de Galicia. A xornadas, que reúnen a relevantes especialistas galegos e foráneos, comezou destacando a importancia da música na construción da identidade nas comunidades de emigrantes e a necesidade de levar a cabo estudos que revaloricen este rico patrimonio da Galicia exterior.

O Consello da Cultura Galega acolle desde mañá a cuarta edición do Encontro O Son da Memoria, organizado polo Arquivo Sonoro de Galicia. Estudosos, músicos e xente vinculada á produción artística e cultural analizarán nesta cita as músicas emigradas, a produción musical dos galegos fóra do país. As xornadas tamén inclúen unha homenaxe ao gran compositor galego Andrés Gaos.

A música galega na emigración será o tema de debate e análise do IV Encontro O Son da Memoria, organizado polo Arquivo Sonoro de Galicia (Consello da Cultura Galega). O encontro celebrarase este xoves e venres, días 17 e 18 de febreiro, e contará coa participación de destacados expertos, músicos e de xente vinculada á produción musical e cultural, como Deborah Pacini, Andrés Gaos e o antropólogo arxentino Norberto Pablo Cirio.

O Consello da Cultura Galega (CCG) presentará este martes, día 15 de febreiro, o IV Encontro "O son da memoria", dedicado á música galega na emigración.

O Consello da Cultura Galega (CCG) celebrará mañá, mércores, día 9 de febreiro, ás 18´30 horas, unha xornada de reflexión e debate sobre un tema da máxima actualidade nestes días: "Unha Constitución para Europa".

O Arquivo Sonoro de Galicia do Consello da Cultura Galega (CCG) celebrará o vindeiro 17 e 18 de febreiro o IV Encontro O Son da Memoria, dedicado nesta ocasión á música galega na emigración. Estudosos, músicos e xente vinculada á produción artística e cultural analizarán nesta cita as músicas emigradas, a produción musical dos galegos fóra do país. A música na colectividade galega da Cidade da Habana antes do triunfo da revolución castrista, as culturas musicais do arraigamento e o desarraigamento, a construción da galeguidade en Lisboa e o patrimonio musical galego dos que emigraron a Arxentina serán algúns dos temas abordados.

A Sección de Comunicación do Consello da Cultura Galega (CCG) presentou esta mañá o Informe A Comunicación en Galicia 2004, unha publicación bianual que analiza a situación dos medios en Galicia e as tendencias que se perfilan no hipersector da comunicación.

A Sección de Comunicación do Consello da Cultura Galega (CCG) presentará este venres, día 28, o informe "A comunicación en Galicia 2004". A rolda de prensa terá lugar ás 12´00 horas no salón de actos da institución e intervirán: Xosé López, coordinador da Sección, vicepresidente do Consello e profesor da Facultade de Ciencias da Comunicación da Universidade de Santiago, e Alfonso Zulueta de Haz, presidente do CCG

O Consello da Cultura Galega (CCG) presenta este luns, día 24 de xaneiro, a colección de 11 carteis "Arquitectos galegos" e a serie documental "A idea construída" (13 arquitectos), dous achegamentos á obra das máis importantes figuras da arquitectura galega contemporánea. O acto, que se celebrará ás 20´00 horas na delegación do Colexio Oficial de Arquitectos de Galicia en Vigo (rúa Marqués de Valladares, 27), servirá tamén para render homenaxe á obra e á memoria do arquitecto Xosé Bar Boo.

O Plan Xeral de Normalización Lingüística (PXNL) que comeza a executarse mañá sábado é o gran protagonista do sesión de hoxe da VIII edición dos Encontros para a Normalización Lingüística, organizados polo Centro de Documentación Sociolingüística de Galicia do Consello da Cultura Galega (CCG). O director xeral de Política Lingüística da Xunta, Xesús Pablo González Moreiras, foi o encargado de debullar as súas principais características e perspectivas de execución ante os máis de 200 técnicos e investigadores da lingua asistentes ao foro.