Mónica Maneiro Jurjo

Licenciada en Historia da Arte pola Universidade de Santiago de Compostela (1999), realizou cursos de doutoramento en Crítica e Estética na Universidade Complutense de Madrid (2004). As súas primeiras experiencias profesionais desenvolvéronse no ámbito do audiovisual e no sector galerístico. En 2010 obtivo o título de Máster en Museoloxía, Crítica e Arte Contemporánea pola Universidade de Santiago de Compostela e, ese mesmo ano, iniciou a súa traxectoria como comisaria e xestora cultural, participando en proxectos como Look Up! Natural Porto Art Show, no que exerceu como comisaria adxunta.