Marta Peirano

Escribe sobre cultura e tecnoloxía. Xefa de cultura en eldiario.es (antes en ADN.es) e mantén unha columna en Muy Interesante. Foi a editora de La Petite Claudine e fundadora de Elástico, HackHackers Berlin e Cryptoparty Berlin. É co-directora de COPYFIGHT, un festival internacional sobre modelos alternativos de propiedade intelectual. Publicou libros sobre autómatas (El Rival de Prometeo), modelos colaborativos (Collaborative Futures), criptografía (The Cryptoparty Handbook), sistemas de notación (On Turtles & Dragons) e futurismo tecnolóxico (Futurish: Thinking Out Loud About Futures). O seu último libro é El Pequeño Libro Rojo del activista en Red, unha introdución á criptografía para xornalistas, fontes e medios de comunicación. É o único libro do mundo prologado por Edward Snowden.