A vindeira sesión terá lugar o xoves, 20 de xuño ás 17:00 horas no Consello da Cultura Galega coa presenza da catedrática emérita de Filosofía moral e política da Universidade Autónoma de Barcelona, Victoria Camps, quen presentará un relatorio titulado: O lugar das emocións na política.

Catedrática emérita de Filosofía moral e política da Universidade Autónoma de Barcelona. Foi senadora polo PSC-PSOE durante os anos 1993-1996 e conselleira do Consell Audovisual de Catalunya entre 2002 e 2008. Actualmente é presidenta da Fundació Víctor Grifols i Lucas e membro do Comité de Bioética de Catalunya. Foi Presidenta do Comité de Bioética de España.

Entre os seus libros destacan La imaginación ética, Virtudes públicas (Premio Espasa de Ensaio), Paradojas del individualismo, El siglo de las mujeres, La voluntad de vivir, Creer en la educación, El declive de la ciudadanía, El gobierno de las emociones (Premio Nacional de Ensaio). En 2008 foi galardoada co Premio Internacional Menéndez Pelayo. O seu último libro é Breve Historia de la Ética (RBA, 2013).