Xornada

Mon Vasco

  1. Inicio
  2. Eventos
  3. Revisando a nosa arte

Xornada. Revisando a nosa arte

Mon Vasco

A escultura inacabada

1 de marzo de 2023
A Coruña
Xornada
Revisando a nosa arte

Mon Vasco

A escultura inacabada

1 de marzo de 2023 A Coruña
Mon Vasco (Ramón Vasco Pardavila) (A Coruña, 1951-1983) pertence a unha xeración de artistas que nos anos setenta do pasado século marcaron novos rumbos na creación plástica en Galicia. Mon fíxoo desde a plástica tridimensional, buscando a través da escultura non só sintonizar coas correntes internacionais, senón tamén explorar novas opcións materiais e conceptuais.

A súa temperá desaparición non lle permitiu desenvolver unha prometedora traxectoria marcada desde os seus comezos por unha continua procura experimental, que canalizou cando en 1972 obtivo unha bolsa da Fundación Juan March para viaxar a África. O seu interese pola arte primitiva plasmouno en estilizadas esculturas de ébano e pau vermello nas que o oco comeza a ter un gran valor: «En África aprendín a utilizar o oco como un volume». En 1978, xunto con Chelín, Xoti de Luís, César Otero, Xaime Cabanas e Correa Corredoira, aos que se unirán Pepe Galán, Fermín Encinar, Alfonso Abelenda e os poetas Xavier Seoane e Manuel Rivas, funda A Galga, un colectivo aberto á reflexión sobre as novas problemáticas da creación contemporánea.

Depura a súa linguaxe e segue investigando, evolucionando e indagando nas referencias do orgánico e o espacial. Desde finais dos setenta busca dotar as súas esculturas dunha estruturación modular de carácter minimal. Co grupo Atlántica participa na súa primeira exposición en Baiona (1980), con pezas de vocación modular; no Centro Cultural de la Villa, en Madrid (1981), e no Pazo de Xelmírez de Santiago de Compostela (1983), no que mostra pezas en granito cuxas formas xeométricas xogan coas superficies puídas e rugosas do material.

Faleceu o 10 de xuño de 1983 como consecuencia dun infarto. A súa escultura quedou definitivamente inconclusa.
Programa
Mon Vasco
Programa en PDF
Ficha técnica
Xornada.
Revisando a nosa arte
Mon Vasco
A escultura inacabada
Data
1 de marzo de 2023
Lugar

Real Academia Galega de Belas Artes
Praza Pintor Álvarez Sotomayor, 1
15001 A Coruña

Coordinación
Rosario Sarmiento Escalona
Relator/a
Correa Corredoira
Xurxo Lobato
Juan M. Monterroso
Rosario Sarmiento Escalona
Rosario Sarmiento Escalona
Xurxo Taxes
Pedro Vasco
Colabora
Real Academia Galega de Belas Artes
Organiza
Consello da Cultura Galega
Sección de Creación e Artes Visuais Contemporáneas (CCG)

Imaxe da portada: Obra de Manuel Quintana Martelo sobre unha fotografía de Xurxo Lobato