Material
Historias de ida e volta
No centenario da Federación de Sociedades Galegas da República Arxentina
Xunta directiva da Federación de Sociedades Gallegas Agrarias y Culturales, ca. 1926
Detalle
De pé aparecen Eduardo Blanco-Amor e Ramón Suárez Picallo. Este último acababa de chegar da súa viaxe a Europa, na que visitou Galicia e Sada, a súa vila natal. Na sede da FSG impartiu unha conferencia co título de "Impresiones de un viaje por la tierra gallega".En decembro de 1925, no IV Congreso da Federación, participaron como delegados: Blanco-Amor, da sociedade Hijos de Sanjenjo, e Suárez Picallo, de Nueva Era de Vilanova. Neste congreso destacaron pola súa defensa da nacionalidade e da lingua galegas. Foron nomeados membros do comité de redacción do voceiro social, El Despertar Gallego, do que Blanco-Amor sería director. Na súa etapa como tal impuxo unha liña editorial marcadamente galeguista.