Notas:
Carlos Casares envíalle a Ramón Piñeiro un recorte de prensa provincial, cunha mensaxe á marxe manuscrita. No recorte anúnciase unha palestra a cargo de Ramón Otero Pedrayo: "Horas e lembranzas da nosa terra galega"; e recóllense as declaracións de dúas nenas de 12 e 13 anos que participaron nun traballo sobre A galiña azul.
Na nota manuscrita, Casares cóntalle a Piñeiro que o convidaron a dar unha "charla para nenos, sobre a literatura infantil en Galicia" na casa de Vicente Risco en Castro Caldelas. Fonte: fondos da Fundación Penzol.
