Xornada - Luis Borrajo. Ourense, 26 de abril de 2023
Xornada

Luis Borrajo

  1. Inicio
  2. Eventos
  3. Revisando a nosa arte
  4. Xornada

Revisando a nosa arte Xornada

Luis Borrajo

Ourense, 26 de abril de 2023
Ourense
Xornada
Revisando a nosa arte

Luis Borrajo

Ourense, 26 de abril de 2023 Ourense
Luis Borrajo (Ourense, 1950-2005) é un dos grandes nomes da escultura galega das últimas décadas do século XX. Marcado por referentes como Eduardo Chillida, Anthony Caro, David Nash e especialmente Jorge Oteiza, Borrajo non só foi un escultor innovador, senón que tamén conseguiu darlle novos folgos á escultura galega nos anos oitenta, ao entroncala coas correntes internacionais que marcaban aquela época, como a nova escultura inglesa ou o construtivismo alemán.

Logo de estudar deseño en Madrid, regresa a Ourense nos anos setenta, onde funda o grupo Deica xunto con Miguel Duán e Enrique Conde. De finais desta década son as súas esculturas en madeira baseadas en aparellos de labranza, un estudo antropolóxico dos materiais dos labregos galegos que comeza na súa estadía nas Corraínzas (Montederramo). Nos anos oitenta participa en numerosos proxectos expositivos e multidisciplinarios, como a exposición do grupo Atlántica (1983) en Compostela, na Galería Gruporzán, na Casa da Parra e nas Bienais de Pontevedra ou a reforma urbanística dun barrio no Carballiño xunto ao arquitecto Fernando Blanco. Este último proxecto, unha conversa entre escultura e arquitectura demasiado avanzada para aquel tempo, foi paralizado polo propio Concello antes de ser rematado.

O proceso creativo de Borrajo levábao a realizar múltiples maquetas das obras que logo acadarían un gran tamaño no exterior. Destaca o seu dominio e finura na fundición, corte e soldadura dos metais, como se pode apreciar nas obras Abeanco para Brancusi (1986), Para estar joven (1986) ou Xulio e os paxaros (1987). Cómpre citar tamén A casa da nube (1989), escultura en aceiro corten para a Burga do Medio en Ourense, ou Encontro cardinal (1998), situada en Santiago de Compostela. Xa no novo milenio, en 2002 en Ourense, realiza Desnudo feminino, unha peza particularmente diferente na súa produción escultórica ao tratarse dunha obra figurativa.

A súa derradeira exposición, Hueco virtual (2005-2006), no campus universitario ourensán, con cinco pezas de aceiro, supón un regreso á súa plástica característica. A mostra foi clausurada postumamente, debido ao inesperado falecemento do artista.
Programa
Luis Borrajo
Programa en PDF
Prensa
25-04-2023

O ciclo Revisando a nosa arte analiza en Ourense a traxectoria do escultor Luis Borrajo

Temáticas
Arte
Ficha técnica 
Xornada
Revisando a nosa arte
Luis Borrajo
Cando
Ourense, 26 de abril de 2023
Onde
Ourense
Lugar

Liceo de Ourense
Rúa Valentín Lamas Carvajal,5
32005 Ourense

Coordinación
Carmen Díaz Cacheda
Participante
Ignacio Basallo
Miguel Duan
Mani Moretón
Juan Tallón
Relator/a
Fernando Blanco Guerra
Victoria Carballo-Calero
Modera
Carmen Díaz Cacheda
Obxeto de estudo
Luís Borrajo
Organiza
Consello da Cultura Galega
Sección de Creación e Artes Visuais Contemporáneas (CCG)
Colabora
Liceo de Ourense

Imaxe da portada: Obra de Manuel Quintana Martelo sobre unha fotografía de Mani Moretón