Xornada - Ansiedade e esperanza na nova cultura. 13 de maio de 2025
Xornada

Ansiedade e esperanza na nova cultura

  1. Inicio
  2. Eventos
  3. Xornada

Xornada

Ansiedade e esperanza na nova cultura

13 de maio de 2025
Santiago de Compostela
Xornada

Ansiedade e esperanza na nova cultura

13 de maio de 2025 Santiago de Compostela
A xornada formativa Ansiedade e esperanza na nova cultura ten como obxectivo reflexionar e sensibilizar sobre os problemas que caracterizan o momento actual, especialmente no que se refire ás implicacións do capitalismo nos traballos creativos do ámbito cultural. O programa está coordinado e moderado pola xestora cultural e xerente de Agapi Uxía Caride, e contará coa participación de tres mulleres fundamentais no pensamento crítico contemporáneo: Remedios Zafra, Iria Veiga e Marga Tojo. A través das súas intervencións, estas expertas explorarán os retos que impón o sistema capitalista no mundo cultural, atendendo especialmente á saúde mental e o benestar dos profesionais do sector.

As xornadas están promovidas pola Comisión Técnica Temporal de Xestión e Políticas Culturais do Consello da Cultura Galega e enmárcanse nos obxectivos de dereitos culturais e políticas culturais. A súa finalidade é fomentar a reflexión sobre a sociedade actual, mellorar a saúde mental e garantir o dereito de acceso á cultura, estimulando o desenvolvemento do pensamento crítico e a capacidade analítica.

O programa inclúe unha conferencia central titulada «O exceso da vida contemporánea», a cargo de Remedios Zafra, na que se analizarán os efectos do ritmo acelerado e a sobrecarga de información na sociedade moderna, para destacar como este exceso repercute na vida persoal e colectiva. A continuación terá lugar unha mesa de relatorios que comezará coa intervención de Marga Tojo, que, en «Desinformación e ansiedade colectiva», abordará como a desinformación e a manipulación mediática contribúen á ansiedade social e á polarización, alterando a percepción da realidade e xerando un clima de inestabilidade emocional. Finalmente, Iria Veiga, na súa conferencia «A saúde mental no mundo cultural», centrará a súa reflexión nas particularidades da saúde mental no sector cultural, para analizar as presións que afectan os profesionais deste ámbito e propor posibles solucións.
Programa
Ansiedade e esperanza na nova cultura
Programa en PDF
Prensa
12-05-2025

Unha xornada afonda nos efectos do capitalismo na saúde e no benestar dos creadores culturais

Ficha técnica 
Xornada
Ansiedade e esperanza na nova cultura
Cando
13 de maio de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Uxía Caride Blanco
Relator/a
Marga Tojo González
Iria Veiga Ramos
Remedios Zafra Alcaraz
Presenta
Paula Cabaleiro Comesaña
Dolores Vilavedra Fernández
Organiza
Comisión técnica xestión e políticas culturais
Consello da Cultura Galega