Xornada - Isaac Díaz Pardo. Azul Compostela. 26 de maio de 2025
Xornada

Isaac Díaz Pardo. Azul Compostela

  1. Inicio
  2. Eventos
  3. Xornada

Xornada

Isaac Díaz Pardo. Azul Compostela

26 de maio de 2025
Santiago de Compostela
Xornada

Isaac Díaz Pardo. Azul Compostela

26 de maio de 2025 Santiago de Compostela
Con motivo da celebración do Día das Artes Galegas 2025, dedicado ao artista e intelectual Isaac Díaz Pardo, o Consello da Cultura Galega presenta unha xornada arredor dunha das figuras fundamentais da cultura contemporánea do noso país.

Desde unha perspectiva de proximidade e partindo das diferentes achegas aos diversos campos creativos, establécense catro miradas sobre a traxectoria vital e creativa de Isaac, que van do persoal ao artístico e ao técnico, tendo como escenario referencial a cidade de Compostela, onde nace e onde transcorren a súa infancia e xuventude, e onde vivirá en distintos momentos.

Impulsor da recuperación da cerámica e porcelana de Sargadelos e do Castro cun espírito renovador a través da tecnoloxía, o deseño e a difusión da cultura propia, Díaz Pardo constitúe xunto con Luís Seoane o Laboratorio de Formas, que, de xeito instrumental, agrupa diversas empresas e iniciativas culturais, como o Museo Carlos Maside ou Ediciós do Castro.

Esta proposta pretende achegar novas perspectivas a unha figura poliédrica que abrangue distintos ámbitos da creación e a cultura galegas, no marco da recuperación da memoria cultural e política dentro do ámbito intelectual galego, para converterse no meirande referente galego da segunda metade do século XX.

A xornada aporta catro visións persoais de catro mulleres que compartiron espazo e tempo con Isaac, na contorna familiar ou na profesional; que traballaron e investigaron sobre o seu legado e poden mostrarnos parte do itinerario vivencial de Isaac e o seu forte compromiso co país, destacando non só a imaxe de creador ou intelectual, senón tamén a de impulsor de todo tipo de iniciativas culturais.
Programa
Isaac Díaz Pardo. Azul Compostela
Programa en PDF
Prensa
28-04-2025

Abórdase a importancia da cidade de Santiago en Díaz Pardo nunha xornada

Temáticas
Arte
Ficha técnica 
Xornada
Isaac Díaz Pardo. Azul Compostela
Cando
26 de maio de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Silvia García González
Eduardo Valiña
Relator/a
Cecilia Díaz Betz
María América Díaz Pampín
María Díaz Rey
Begoña Soneira Beloso
Presenta
Rosario Álvarez Blanco
Paula Cabaleiro Comesaña
Organiza
Consello da Cultura Galega
Sección de Creación e Artes Visuais Contemporáneas (CCG)