Xornada - Francisco Miguel. Mércores, 24 de setembro de 2025
Xornada

Francisco Miguel

  1. Inicio
  2. Eventos
  3. Revisando a nosa arte
  4. Xornada

Revisando a nosa arte Xornada

Francisco Miguel

Tempo de facer xustiza

Mércores, 24 de setembro de 2025
Santiago de Compostela
Xornada
Revisando a nosa arte

Francisco Miguel

Tempo de facer xustiza

Mércores, 24 de setembro de 2025 Santiago de Compostela
@ConsellodaCultura

Gravación íntegra do video En directo: Francisco Miguel

É tempo de facer xustiza. Momento de recuperar a memoria daqueles sometidos a unha ignominia da cal o tempo foi cómplice silencioso e á barbarie dos que se tiñan por humanos. A figura de Francisco Miguel é un deses nomes esquecidos dunha terra que adoita non mirar cara atrás na recuperación daqueles que fixeron da súa propia vida un salvoconduto da nosa dignidade como pobo. A morte deste pintor, libreiro, ilustrador de revistas literarias do momento e axitador cultural dos anos anteriores ao levantamento militar de 1936 é un deses episodios que hoxe deben estar moi presentes entre nós ante as distintas derivas que están a materializarse no noso mundo.

A Sección de Creación e Artes Visuais Contemporáneas propón un achegamento a esta figura, afastada dos discursos oficiais da nosa plástica, pero cun singular e importante valor en canto á relevancia da memoria e ao papel da arte como representación das arelas do ser humano por achegar diferentes olladas á súa sociedade. Francisco Miguel Fernández Moratinos e a súa obra plástica son parte dunha vangarda artística que non tivo cabida no seu momento e que foi obxecto dunha represión que hoxe deixa ante nós unha serie de obras que falan de soños, ilusións e esperanzas aos que nos vemos obrigados a enfrontarnos.

Carlos Bernárdez achegarase á súa obra artística e á súa vinculación con diversos istmos do seu tempo artístico aos que non foi alleo grazas ás súas viaxes a París ou Roma e ás súas estancias nesas cidades, nas que nos anos vinte se estaban configurando as novas correntes da arte do momento, que ao seu regreso soubo adaptar a unha ollada atlántica que logo se exportou ás terras mexicanas. Un diálogo entre o escritor Manuel Rivas, que fixo da súa figura xermolo da súa escrita, e Ramón Rozas, que analizarán a relación entre arte e memoria que se pode dar arredor dunha figura como a de Francisco Miguel, co seu dramático final. Para concluír terá lugar unha mesa redonda á que, xunto con Carlos Bernárdez e Manuel Rivas, se sumarán as figuras de Rosario Sarmiento e Carmela Galego, que exemplifican, desde os seus perfís profesionais, esa relación entre arte e memoria.
Programa
Francisco Miguel
Programa en PDF
Prensa
24-09-2025

Unha xornada revela novas claves da obra e da traxectoria esquecida de Francisco Miguel

23-09-2025

O ciclo Revisando a nosa arte achégase á figura do libreiro e ilustrador Francisco Miguel

17-09-2025

A entrada no Álbum de Galicia e unha xornada abordan a figura do pintor Francisco Miguel

Ficha técnica 
Xornada
Revisando a nosa arte
Francisco Miguel
Tempo de facer xustiza
Cando
Mércores, 24 de setembro de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Ramón Rozas Domínguez
Participante
Carlos L. Bernárdez
Carmela Galego
Manuel Rivas
Rosario Sarmiento Escalona
Organiza
Consello da Cultura Galega
Sección de Creación e Artes Visuais Contemporáneas (CCG)

Imaxe da portada: Francisco Miguel, Autorretrato, ca. 1933