Mércores, 26 de novembro de 2025Santiago de Compostela
O 25 de novembro, Día Internacional da Eliminación da Violencia contra a Muller, data en que anualmente se denuncia a violencia exercida sobre as mulleres en todo o mundo e se reclaman políticas para a súa erradicación, segue sendo unha cita moi necesaria no aínda complexo camiño da igualdade entre homes e mulleres. As mulleres conseguimos, non sen grandes esforzos, irnos posicionando, reclamando xustiza de xénero e igualdade de condicións dentro dunha sociedade androcéntrica e patriarcal que, ao longo dos séculos, nos negou un espazo propio na vida política, económica, cultural e artística, onde tamén nós fomos as grandes excluídas. Haberá que esperar aos cambios producidos tras a eclosión dos movementos feministas da segunda metade do século XX e o seu reflexo, non só na paulatina recuperación da obra de mulleres artistas, senón tamén na incorporación das mulleres como creadoras dun novo repertorio de imaxes e temáticas, do seu propio relato. Un discurso creativo apoiado polo uso de novos medios como a fotografía, no que a súa intrínseca condición narrativa e o seu carácter inmediato a converteran nun vehículo con múltiples e ricas posibilidades para as creadoras. Retrato e autorretrato, performatividade, arte de acción, rexistros da cotiandade… permitiron ás artistas visibilizar outras realidades, abordar problemáticas propias e reivindicar os seus dereitos, denunciando as violencias estruturais que sometían a súa posición no mundo ou cosificaban os seus corpos. Así mesmo, a fotografía tamén rexistrou e acompañou o movemento feminista e as súas reivindicacións nas rúas, gravando moitas imaxes xa icónicas na nosa memoria colectiva, mais tamén na nosa historia da arte.
Desde a Sección de Creación e Artes Visuais Contemporáneas do Consello da Cultura Galega queremos contribuír a esta cita ineludible, cunha xornada na que profesionais da historia, do comisariado, da crítica e da fotografía acheguen os seus coñecementos e reflexións arredor da fotografía e do feminismo. A historiadora Carmen Dalmau pasará revista ás grandes mulleres fotógrafas españolas e posteriormente Anxela Caramés, Carlos Castelao e Olaia Sendón reflexionarán nunha mesa redonda e desde a súa experiencia máis próxima sobre o protagonismo das mulleres fotógrafas en Galicia. Na segunda parte da xornada, Silvia Omedes achegará os seus grandes coñecementos sobre a fotografía documental realizada por mulleres, e a continuación haberá unha mesa de relatorios na que Andrea Costas, Alba Díaz e Margarita Ledo Andión compartirán reflexións dende a súa mirada como creadoras. O documental Altas Luces, un proxecto sobre fotografía, mirada e xénero da produtora Illa Bufarda, porá peche a esta xornada arredor do feminismo como campo de estudo e reflexión, un feminismo que, a pesar dos avances, segue sendo firmemente necesario na procura dunha sociedade máis xusta e igualitaria.
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
Xornada
Fotografía e feminismo
Mércores, 26 de novembro de 2025Santiago de Compostela
Sesión da mañá
10:30
Presentación da xornada
11:00
Conferencia As mulleres disparan Carmen Dalmau Bejarano
Crítica e comisaria especializada en fotografía
Presenta: Rosario Sarmiento
12:00 horas
Pausa
12:15 horas
Mesa de relatorios A ollada dende a investigación, a historia, a crítica e o comisariado
Modera: Rosario Sarmiento
- Ánxela Caramés, comisaria e crítica de arte
- Carlos Castelao, fotohistoriador, investigador e escritor
- Olaia Sendón, profesora, cineasta e xestora cultural
13:45 horas
Peche da sesión da mañá
Sesión da tarde
16:30 horas
Conferencia Silvia Omedes, xestora cultural, comisaria independente, axente de fotógrafas/os, editora e profesora de fotografía documental. Directora da Fundación Photographic Social Vision
Presenta: Paula Cabaleiro
17:30 horas
Pausa
17:45 horas
Mesa de relatorios A ollada das creadoras
Modera: Paula Cabaleiro
- Andrea Costas Lago, artista e profesora na Facultade de Belas Artes de Pontevedra
- Alba Díaz, artista
- Margarita Ledo Andión, xornalista, escritora e cineasta
19:15 horas
Proxección e clausura da xornada Altas luces
Proxecto transmedia sobre fotografía, mirada e xénero, da produtora Illa Bufarda
Presenta: Paula Cabaleiro
* Imaxe da portada: Anna Turbau, Festa do Restaurante Asasino, Santiago de Compostela, 1977. Fondo Anna Turbau. Consello da Cultura Galega
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
Xornada
Fotografía e feminismo
Mércores, 26 de novembro de 2025Santiago de Compostela
