Xornada - Os 100 anos de Mercedes Ruibal . 9 de xuño de 2026
Xornada

Os 100 anos de Mercedes Ruibal

  1. Inicio
  2. Eventos
  3. Xornada

Xornada

Os 100 anos de Mercedes Ruibal

Revisando a nosa arte

9 de xuño de 2026
Pontevedra
Xornada

Os 100 anos de Mercedes Ruibal

Revisando a nosa arte

9 de xuño de 2026 Pontevedra
Celebramos o centenario da artista Mercedes Ruibal (Xeve, Pontevedra, 1926-Vigo, 2003) grazas ao achado da súa partida de nacemento en Xeve, o que nos permitiu clarificar un erro prolongado no tempo.

Mercedes Ruibal forma parte dese grupo de artistas da nosa terra que impulsaron a renovación artística durante os años cincuenta e sesenta do século XX, entre os que se inclúen María Antonia Dans, Elena Gago, José María de Labra, Luis Caruncho, María Victoria de la Fuente, Lago Rivera ou Tenreiro.

Nada nunha familia con sensibilidade pola arte, a dureza da posguerra faina emigrar en 1950 a Bos Aires. Alí vivía xa o seu irmán, o escritor e dramaturgo José Ruibal, quen a introduce na vida intelectual da capital arxentina, por aquel entón en pleno auxe. Nesta cidade establece contacto co pintor Laxeiro, o seu mentor, quen a anima a pintar. Tamén alí realiza a súa primeira exposición de pinturas en 1956, á que seguirán bastantes máis en importantes galerías madrileñas e galegas. Un ano despois regresa a Galicia e despois, tras realizar unha serie de exposicións en Vigo, trasládase a Madrid, onde traballa como deseñadora de cerámica e establece relación cos artistas que frecuentan o Café Gijón.

Pouco despois coñece ao pintor e arquitecto Agustín Pérez Bellas, con quen casa en 1959. Viven en Vigo, mais pasan tempadas en Madrid, onde se relacionan coa intelectualidade española e galega. Fixeron tamén estadías en Italia, mantiñan un estudo en Roma e formaban parte dunha importante comunidade artística no Trastévere, lugar de encontro de personalidades da cultura italiana e internacional durante os anos setenta. Alí frecuentan a Rafael Alberti e M.ª Teresa León, comprometidos coma eles na loita antifranquista.

Creadora dun mundo único e persoal, Mercedes Ruibal fai unha pintura cun enfoque primitivista e naíf, que remite ao románico. Fiel á súa época e ás súas conviccións políticas, nas súas obras están presentes a denuncia e un forte compromiso social, en consonancia co seu activismo político.

No ano 2003 falece na súa casa de Vigo e deixa unha obra artística de gran calidade. A súa produción tamén abarcou a escrita: o libro Confesiones de una volatinera con bragas de repuesto al dorso (Akal, 1978) e o poemario Y mi voz es tu nombre (Ediciós do Castro, 1986).
Programa
Os 100 anos de Mercedes Ruibal
Programa en PDF
Prensa
09-06-2026

Unha xornada afonda na figura de Mercedes Ruibal no centenario do seu nacemento

Temáticas
Arte
Ficha técnica 
Xornada
Os 100 anos de Mercedes Ruibal
Revisando a nosa arte
Cando
9 de xuño de 2026
Onde
Pontevedra
Lugar

Museo de Pontevedra
Rúa Padre Amoedo Carballo, 3
Pontevedra

Comisariado
Cristina Villaverde Ruibal
Coordinación
Carmen Díaz Cacheda
Relator/a
Susana Cendán Caaveiro
Pilar Corredoira López
María Díaz Rey
Modera
Carmen Díaz Cacheda
Organiza
Consello da Cultura Galega
Sección de Creación e Artes Visuais Contemporáneas (CCG)
Colabora
Museo de Pontevedra

Imaxe da portada: A voda, Mercedes Ruibal, 1963. Colección privada.