A Sección de Creación e Artes Visuais Contemporáneas do Consello da Cultura Galega promove a realización de dous encontros sectoriais como espazos de diálogo, reflexión e intercambio entre os distintos axentes que integran o ecosistema cultural galego.
A iniciativa nace coa vontade de contribuír a unha análise compartida do momento actual e de abrir unha conversa plural arredor dos retos que afronta o sector, tomando como punto de partida a situación xerada no CGAC.
Xestión dos espazos expositivos a debate
A xestión dos espazos expositivos en Galicia a debate
2º Encontro sectorial.
Martes, 22 de setembro de 2026 Santiago de Compostela
A xestión dos espazos expositivos en Galicia a debate
2º Encontro sectorial.
Martes, 22 de setembro de 2026Santiago de Compostela
A partir da grave crise do Centro Galego de Arte Contemporánea, unha análise dende as múltiples olladas do sector profesional sobre a situación do sistema artístico institucional en Galicia.
A recente designación da dirección do Centro Galego de Arte Contemporánea (CGAC) provocou unha ampla reacción no ámbito artístico e cultural galego, e abriu un debate que vai máis alá dun nome concreto para situarse en cuestións de fondo relacionadas cos procedementos de selección, os modelos de xestión e gobernanza das institucións culturais, as políticas culturais públicas e os mecanismos de participación do sector. Neste contexto, a Sección de Creación e Artes Visuais Contemporáneas do Consello da Cultura Galega promove a realización de dous encontros sectoriais como espazos de diálogo, reflexión e intercambio entre os distintos axentes que integran o ecosistema cultural galego. A iniciativa nace coa vontade de contribuír a unha análise compartida do momento actual e de abrir unha conversa plural arredor dos retos que afronta o sector, tomando como punto de partida a situación xerada no CGAC.
Os encontros reunirán representantes de asociacións profesionais, creadoras e creadores, responsables institucionais e especialistas en xestión cultural, crítica, investigación e comisariado, ademais de voces relevantes do tecido artístico e cultural. O seu propósito é favorecer unha reflexión colectiva que permita identificar necesidades comúns, detectar ámbitos de mellora e formular propostas que contribúan ao fortalecemento do sistema cultural galego. Máis alá da análise da situación actual, estes encontros sectoriais buscan promover unha visión de futuro baseada na cooperación, o diálogo e a corresponsabilidade. Entre os temas que se abordarán figuran a transparencia nos procesos de selección, a participación dos e das profesionais na definición das políticas culturais, a autonomía das institucións e as condicións necesarias para garantir un desenvolvemento cultural sólido, diverso e sostible.
O Consello da Cultura Galega entende estes encontros como unha oportunidade para canalizar as inquietudes existentes e convertelas nun exercicio construtivo de pensamento compartido, capaz de xerar novas expectativas, fortalecer os vínculos entre os distintos sectores culturais e contribuír ao coidado e mellora das estruturas culturais de Galicia.
Logo do primeiro destes encontros sectoriais, o 14 de xullo, este segundo encontro do día 22 de setembro serve para reflexionar sobre o ámbito da xestión e da dirección dos museos de arte contemporánea e as políticas culturais públicas da man de representantes de institucións, museos de arte contemporánea estatais, entidades representativas do sector e profesionais da xestión cultural. Durante esta sesión, escoitaremos a profesionais da crítica, da xestión, do comisariado, da dirección de museos e centros de arte, da investigación e da creación artística, para seguir afondando sobre a situación das políticas públicas que determinan o funcionamento das nosas institucións culturais.
Ademais, a posta en marcha dun cuestionario en liña no mes de agosto recollerá ata finais de setembro reflexións por escrito dun amplo espectro de perfís que compoñen o sector cultural galego, así como da cidadanía, con diferentes voces de públicos e colectivos que crean, demandan e participan da cultura.
• 1º encontro: 14 de xullo de 2026
+ Cuestionario en liña (dispoñible ata o 27 de setembro)
• 2º encontro: 22 de setembro de 2026
• Presentación do informe ou documento final: outubro-novembro de 2026
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
A xestión dos espazos expositivos en Galicia a debate
2º Encontro sectorial.
Martes, 22 de setembro de 2026Santiago de Compostela
16:00 horas
Presentación Dolores Vilavedra, presidenta do Consello da Cultura Galega Paula Cabaleiro, coordinadora da Sección de Creación e Artes Visuais Contemporáneas do CCG
16:15 horas
Conferencia Cara a unha vixilancia colectiva das institucións culturais Elena Vozmediano, crítica de arte
Presenta: Silvia García
17:15 horas
Mesa redonda As políticas culturais públicas e o seu impacto na xestión e dirección dos museos e centros de arte contemporánea na actualidade Manuel Olveira, escritor e xestor cultural. Exdirector de 4 institucións artísticas, entre elas do CGAC José Luis Pérez Pont, xestor cultural e crítico de arte, exdirector do Centre del Carme Cultura Contemporània de Valencia e do Consorci de Museus de la Comunitat Valenciana Natalia Balseiro, investigadora, curadora e mediadora cultural Pedro de Llano, investigador, comisario, profesor da USC Roberto Pascual, profesor, dramaturgo e investigador, xestor cultural, membro da Comisión de Xestión e Políticas Culturais do CCG
Modera: Grupo de coordinación
18:30 horas
Debate horizontal - Micro aberto
Propostas do sector cultural na procura dunhas políticas públicas responsables
Modera: Grupo de coordinación
O público asistentes e as persoas relatoras poden intervir nun debate participativo, sempre mediado polo grupo de coordinación, que se encargará de ir dando a palabra de forma ordenada, insistindo na necesidade de que todo sexa recollido polo micro e promovendo un diálogo construtivo.
19:30 horas
Conclusións
O grupo coordinador dará conta das conclusións e fará un pequeno resumo do falado e debatido durante a xornada. Grupo de coordinación
20:00 horas
Peche do encontro
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
