Roberto Pascual

Biografía de Roberto Pascual

Profesor na ESAD de Galicia e director da MIT de Ribadavia. Estudou na Universidade de Santiago de Compostela, onde se licenciou en Filoloxía Galega e se posgraduou en Arte Dramática (Teoría e Práctica da Interpretación). Ademais, formou parte da Aula de Teatro da USC durante cinco anos, na que participou en diversos espectáculos como actor, baixo a dirección de Roberto Salgueiro.
Traballou no Instituto Cervantes e na Universidad Complutense de Madrid, na organización de congresos e xornadas internacionais como “O estado do teatro em Portugal” (Intervenção, 2010) ou “Xornadas Abrente. 1973-2013. 40 anos despois da Mostra de Teatro” (Ribadavia, 2013), Consellería de Cultura, Educación e Ordenación Universitaria, Deputación de Ourense, Concello de Ribadavia, MIT e Museo Etnolóxico de Ribadavia. Tamén foi actor de televisión en series como Rías Baixas (TVG). Na actualidade é colaborador de artes escénicas no Diario Cultural da Radio Galega.
É membro do consello de redacción da Revista Galega de Teatro e de Madrygal, formou parte do Consello Artístico de Teatro do INAEM (Ministerio de Cultura e Deporte) e participou como asesor de artes escénicas en varias institucións como o Cabido de Tenerife.
É autor de diversos libros e artigos sobre as artes escénicas, como Roberto Vidal Bolaño e os oficios do teatro (Xerais, 2013), tradutor e editor de Matalobos de Raúl Dans (ADE, 2020) ou redactor do Dicionario de termos escénicos do Consello da Cultura Galega.
Membro da Academia Galega de Teatro e da Asociación de Directores de Escena de España. O seu traballo na xestión cultural mereceu diversos recoñecementos, como o Premio Arenteira de Cultura 2017 na súa terra natal, O Carballiño.

Materiais de Roberto Pascual

Roberto Pascual nas actividades do CCG

Artigos

PASCUAL, R. (2010) Caryl Churchill en galego. Festa da palabra silenciada. (26), 140-145.

Ver recensión Fonte da dixitalización: Feministas Independentes Galegas;