Carta de Rodrigues Lapa a Ramón Piñeiro, 1953

Forma parte de

Colección Manuel Rodrigues Lapa con Ramón Piñeiro 91 cartas · 1953–1978 Ver a carta nesta colección →

Ficha documental

Data: 27 de maio de 1953
Remitente: Manuel Rodrigues Lapa (1897–1989)
Nota biográfica
Filólogo e catedrático da Universidade de Lisboa. Manuel Rodrigues Lapa (Anadia, Aveiro, 1897-1989) foi un filólogo portugués que realizou varias investigacións sobre o a lingua galega. Estudou na Universidade de Lisboa, onde se doutorou coa tese Das Origens da Poesia Lírica em Portugal na Idade Média (1930). Pola súa oposición ao Goberno de António de Oliveira Salazar, foi afastado da Facultade de Letras en 1935 e pasou a dedicarse ao xornalismo (dirixiu O Diabo) e ás investigacións literarias. Tras ser encarcerado exiliouse en Brasil, onde deu clase en varias universidades e onde realizou investigacións sobre o século XVIII en Minas Gerais. Regresou a Portugal despois do 25 de Abril.

Desde os inicios da súa carreira investigadora prestou atención á lingua galega, primeiro nos vilancicos dos séculos XVII e XVIII e, posteriormente, nas cantigas de escarnio e maldicir. En 1973, Rodrigues Lapa publicou un artigo na revista lisboeta Colóquio/Letras no que se proclamaba partidario de que o galego se escribise con ortografía portuguesa. O artigo reeditouse en Grial e provocou unha acendida polémica.
Destinatario/a: Ramón Piñeiro López (1915–1990)
Nota biográfica
Senlleiro intelectual, escritor e político galego do século XX. Foi homenaxeado co Día das Letras Galegas de 2009. Foi o primeiro presidente do Consello da Cultura Galega trala súa constitución.
Descrición física: [Carta mecanografada]
Localización física: Fundación Penzol
Notas: Nesta misiva Rodrigues Lapa torna a agradecer a Piñeiro a laboura de achegamento documental e de información que lle fai dende Galicia. Tamén teima no seu interese polos estudos históricos que coordina Otero Pedrayo dende Galicia. Remata a epístola apelando ao "nível elevadámente europeu de Galaxia".

Citar esta carta

Manuel Rodrigues Lapa. Carta a Ramón Piñeiro López. 27 de maio de 1953. Proxecto Epístola, Consello da Cultura Galega. https://consellodacultura.gal/fondos_documentais/epistolarios/epistola.php?id=82454 [consulta: 12/11/2026].

A instituci�n reforza a cooperaci�n cultural con Portugal cun acordo coa Universidade de Lisboa

Asinado o primeiro convenio coa FEGAMP, que permitir� estudar a realidade cultural municipal

Encontro co presidente da Xunta de Galicia, presidente de honra da instituci�n

A presidenta recibe o alcalde de Xenebra, Alfonso G�mez Cruz

Encontro co presidente da Deputaci�n de Ourense

CCG Acolle

CCG Colabora

Exterior

Roteiros

Especiais

Por persoas

C. de documentacinón

Hemeroteca

Catálogos e repertorios

Coñece a cultura galega