Joan Ainaud de Lasarte (1919-1995)
Colección: Os profetas do Pórtico e a cultura galega. Unha viaxe que non cesa
Un dos personaxes máis importantes na xestión do patrimonio en Cataluña e director dos museos de Barcelona. Foi o comisario xeral da Exposición Internacional de Arte Románica de 1961, con sedes en Barcelona e Santiago de Compostela. Nesta última, Manuel Chamoso Lamas foi comisario adxunto. A correspondencia de Chamoso Lamas con Ainaud de Lasarte para que incluíse as esculturas do Mestre Mateo que estaban en Meirás no catálogo da exposición como “Propiedad de S.E. el Jefe del Estado” revela a intervención directa dos administradores de Franco. Ao final da Guerra Civil estivo recluído no campo de concentración franquista da Magdalena (Betanzos, A Coruña), xunto con outros prisioneiros cataláns procedentes das frontes do Ebro. De alí conseguiu saír grazas ao aval do célebre Eugenio d’Ors, amigo da familia e afín ao novo réxime. Máis información no Diccionari d'historiadors de l'art català, valencià i balear
6
| Data | Título | Orixe-Destino | Relación | [ O. ] |
|---|---|---|---|---|
| Data | Título | Orixe-Destino | Relación | [ O. ] |
| 1961-07-28 | Carta de Manuel Chamoso Lamas a Joan Ainaud de Lasarte |
O Carballiño - Barcelona | Destinatario/a | Orixinal - |
| 1961-08-01 | Carta de Joan Ainaud de Lasarte a Manuel Chamoso Lamas |
Barcelona - Santiago de Compostela | Remitente | Orixinal - |
| 1961-08-01 | Carta de Manuel Chamoso Lamas a Joan Ainaud de Lasarte |
Santiago de Compostela - Barcelona | Destinatario/a | Orixinal - |
| 1961-08-04 | Carta de Joan Ainaud de Lasarte a Manuel Chamoso Lamas |
Barcelona - Santiago de Compostela | Remitente | Orixinal - |
| 1961-09-13 | Carta de Gratiniano Nieto Gallo a Joan Ainaud de Lasarte |
Madrid - Barcelona | Destinatario/a | Orixinal - |
| 1961-09-15 | Carta de Manuel Chamoso Lamas a Joan Ainaud de Lasarte |
Santiago de Compostela - Barcelona | Destinatario/a | Orixinal - |