Proxecto Epístola

----

María López Mosquera (-1973)

Nai de Luís Seoane.

2

Mencionado/a [2]

Data	Título	Orixe-Destino	Relación	[ O. ]
Data	Título	Orixe-Destino	Relación	[ O. ]
1974-01-15	Carta de Seoane a Dónega. 1974	Bos Aires - A Coruña	Mencionado/a	Orixinal - Transcrición Transcripción da Carta de Seoane a Dónega. 1974 en 15/01/1974 Buenos Aires, 15 de Xaneiro de 1974 Sr. D. Marino Dónega Rozas La Coruña Meu querido amigo: Agradézoche moito as tuas verbas de pésame con motivo do pasamento da miña nai. Pasaron xa algunhas semáns e aínda me atopo confuso e depresivo, sin ganas de facer ren. Un non sabe é un misterio, que fío segredo xungue un fillo a unha nai, de que xeito a desaparición de un dos dous afecta ó outro. Pasaron os días e un sorpréndese matinando no que perdéu, e, como de súbito, o tempo adiantóuse a un para ocupar nél o lugar da nai, dos pais. A un envelléceo a morte que o rodea, e moito máis si é a de aqueles que un mais quere, mais próisima a un. Agradézoche moito as tuas verbas. Xa estóu reposto do accidente. Xa non uso o bastón e ando normalmente. No sei nada do pleito do auto, si se arranxaron ou continúa. Tampouco sei si se vendéu. Si me escribes fálame algo de esto. Coida que eu son un cliente malo mais que non aconsella os seus abogados. Unha garimosa e grande aperta para Fernando, Fernando e pra tí de: Pecha esta fiestra
1973-12-29	Carta de Dónega a Seoane. 1973	A Coruña - Bos Aires	Mencionado/a	Orixinal - Transcrición Transcripción da Carta de Dónega a Seoane. 1973 en 29/12/1973 A Cruña, 29.12.73 Luis Seoane López Buenos Aires Luis, meu amigo: Veño de saber da triste nova do pasamento da túa naiciña. ¿E que che hei decir? Calquer frase de consolo pareceráche valdeira, oca e sin senso algun. Porque os que pasamos pola mesma malfadada esperencia sabemos que somentes o paso do tempo deixará en tí a saudade dun ben perdido. Supoñémoste totalmente resposto das consecuencias do teu accidente automovilístico. E que andarás xa, de cacho para cribo, sin axuda de aparellos. Que así seña. E sin máis por hoxe, recibide Maruxa e máis tí unha cordialísima e cinguida aperta de Fernanda e miña. Dónega Pecha esta fiestra