PRENSA

NOTICIA

----
  1. Inicio
  2. Prensa
  3. noticia

Conclúe en Alemaña a 35ª edición da reunión de AEMI

O Consello da Cultura Galega (CCG) participa na 35ª edición da AEMI Conference, organizada pola Asociación de Entidades de Migración e Interculturalidade (AEMI) e o Ruhr Museum, que remata hoxe na cidade alemá de Essen. O encontro leva por título “Migration, Gender and Generation: New Perspectives on Migration” e reúne a especialistas, investigadores e profesionais de museos europeos para debater sobre as novas dimensións culturais, interxeracionais e de xénero da migración.v

A responsable de Acción Exterior do CCG, Emilia García, modera o noveno panel no que abordan diferentes experiencias de documentación do fenómeno migratorio empregando novas tecnoloxías. O CCG participa como membro activo de AEMI desde hai máis dunha década, representando a perspectiva galega na análise cultural da emigración.