PRENSA

----
  1. Inicio
  2. Prensa

O investigador mexicano Roberto Breña presentou o seu libro "Las independencias hispanoamericanas y la revolución liberal española"

O Consello da Cultura Galega acolleu hoxe a presentación do libro EL IMPERIO DE LAS CIRCUNSTANCIAS. LAS INDEPENDENCIAS HISPANOAMERICANAS Y LA REVOLUCIÓN LIBERAL ESPAÑOLA, de Roberto Breña, profesor-investigador do Centro de Estudios Internacionales de EL COLEGIO DE MÉXICO.
Interviron: Ramón Villares, presidente do CCG; Roberto Breña; Pilar Cagiao, profesora de Historia de América na Universidade de Santiago, e José María Portillo, profesor de Historia Contemporánea nas Universidades do País Vasco e Santiago de Compostela.
O libro, en clave de alta divulgación, analiza distintos aspectos da historia político-intelectual do ciclo revolucionario hispánico no seu conxunto. Non se ocupa únicamente dos procesos emancipadores americanos, senón que considera tamén a revolución liberal española (1808-1814).
O investigador mexicano Roberto Breña presentou o seu libro

Pilar Cagiao cualificou o libro como "contribución importante e esclarecedora" e José María Portillo salientou a "relevancia da investigación historiográfica" que ven realizando El Colegio de México, fundado en 1940 polo presidente Lázaro Cárdenas para acoller a destacados científicos, académicos e artistas españois exiliados durante a Guerra Civil (1936-1939) e o Franquismo.

Pola súa parte, Roberto Breña, que adoptou a perspectiva da historia político-intelectual, subliñou que os procesos emancipadores americanos, significativamente a partir de 1814, "tomaron o relevo dunha revolucíón que se viu truncada na Península polo retorno de Fernando VII ao trono español en maio dese ano".

Destacou tamén o feito de que as "revolucións hispánicas constittuen hoxe un campo moi dinámico da historiografía occidenal "non só desde a perspectiva da historia política e da historia intelectual, senón tamén desde ese inxente ámbito que conforman a historia cultural e a historia social, particularmente a chamada "historia desde abaixo".

Recordou así mesmo que os procesos de emancipación americanos tiveron "un desenlace moi aberto durante moitos anos" e que os seus comezos non foron "independentistas" no sentido en que se entende actualmente a palabra, esto é, de separación absoluta.