A temática destes fondos é moi variada, aínda que teñen unha maior presenza os aspectos referentes á emigración a América. Existen fondos específicos de persoeiros sobranceiros tanto no ámbito empresarial como cultural da emigración (Suárez Picallo, Elpidio Villaverde ou Tacholas, entre outros); un importante volume de fotografías do asociacionismo galego, de negocios de emigrantes, portos e barcos da emigración, festas, homenaxes, escolas, edificios, etc. Tamén dispoñemos dunha colección de carteis anunciadores e publicidade das compañías navieiras e de consignatarias de buques, postais da emigración, etc.

Recentemente, iniciouse a recuperación de fotografías da emigración galega a Europa, así como de arquivos particulares.

Outra das actividades é a recuperación do cine da emigración, para o que se restauraron, en colaboración co Centro Galego de Artes da Imaxe, as películas“Galicia y Buenos Aires", "Nuestras fiestas de allá"