Arquivo de noticias do CCG

Reciba no seu correo electrónico cada quince días información sobre as novas actividades convocadas polo Consello da Cultura Galega.

Este documental estuda o proceso de recuperación da zanfona, durante os anos da Transición democrática, como parte do proceso de construción dunha nova identidade musical galega. Coa conducción de María Xosé Porteiro, destacadas figuras da música tradicional galega explican como viviron o proceso de recuperación deste instrumento ao tempo que se incrementaba o interese pola recuperación do patrimonio cultural do país.

O 30 de xaneiro celébrase o Día da Ilustración. Este ano, o homenaxeado é o ilustrador e humorista Xesús "Chichi" Campos. Para celebralo, ofrecemos unha escolma de contidos do Consello da Cultura Galega e de culturagalega.gal que nos permiten coñecer máis da súa vida e obra.

O 12 de outubro de 2023 celebrouse a andaina coa que se conmemorou a fundación, cen anos atrás, do Seminario de Estudos Galegos na casa de Ortoño que fora residencia de Rosalía de Castro. Ao final do acto leuse, no campo da festa da parroquia, a declaración coa que as entidades organizadoras e participantes no centenario do Seminario de Estudos Galegos sintetizan o papel histórico e simbólico da entidade na construción da Galicia moderna. Pode consultar a declaración completa aquí.

Recollemos nesta páxina as publicacións conmemorativas do Seminario de Estudos Galegos realizadas por diferentes entidades e institucións co gallo do centenario.

Se a súa entidade está a preparar actividades para esta celebración, pode achegarnos estes datos básicos. É importante que remita a programación definitiva, con datas, localización e todos os datos xa pechados. O evento será incluído na programación conxunta do Centenario do Seminario de Estudos Galegos.

O Observatorio da Cultura Galega é unha unidade dependente do Consello da cultura que pretende encher o baleiro de información existente sobre a cultura a través dun método rigoroso e estándar de recolleita de información. A producción fundamental do Observatorio é a información estatística, aínda que entre as súas funcións está a redacción de informes de tipo cualitativo e avaliativo. Todos os resultados teñen por fin último contribuír ao desenvolvemento de políticas culturais sobre unha evidencia empírica.

Bolinar:

Navegar aproveitando ao máximo a dirección do vento

Neste espazo ofrecémosche unha selección de páxinas web de referencia. Trátase de recursos e información relacionados coa planificación e normalización das linguas minorizadas. No menú lateral aparecen categorizadas para facilitarche a consulta. Se o prefires, desde o CDSG recomendarémosche cada semana unha nova viaxe.

Se non atopas o que precisas, podes ampliar a túa busca no noso libro completo de marcadores.

Estreitar as ligazóns que conectan Galicia coas redes e culturas de lingua portuguesa no mundo

No Arquivo Sonoro de Galicia recóllese gran parte da produción musical galega, sexa editada en Galicia ou fóra (p. ex. Edigsa-Xistral en Barcelona ou Hermifono na emigración arxentina). O fondo editado do ASG está composto por máis de 10 000 exemplares en distintos formatos (cilindros de cera, rolos de pianola, cartuchos de casetes, casetes, vinilos, CD, DVD...), entre os que cómpre salientar a colección de discos de lousa, con 700 exemplares de gran valor patrimonial. As gravacións do orfeón El Eco e do coro Aires d’a Terra, de 1904, son as lousas máis antigas que se conservan.

O Arquivo Sonoro de Galicia conserva a máis importante colección de documentos sonoros inéditos, históricos e actuais, relacionados con Galicia. Este grande apartado aglutina todos os audios que son únicos e exclusivos, están rexistrados directamente da fonte e non dispoñen de duplicados impresos. A diferenza das edicións discográficas, non están suxeitos a ningún tipo de produción previa nin difusión comercial posterior.

Dentro dos fondos etnomusicolóxicos do Arquivo Sonoro de Galicia, cómpre subliñar a conservación de todas as gravacións que deron lugar ao Cancioneiro Popular Galego, coautoría de Dorothé Schubarth e Antón Santamarina, que é a obra fundamental do folclore musical galego.