Xosé Manuel Dasilva

Biografía de Xosé Manuel Dasilva

Catedrático na Facultade de Filoloxía e Tradución da Universidade de Vigo. Doutorouse cunha tese sobre a obra de Luís de Camões que obtivo a máxima valoración dun tribunal constituído por Pilar Vázquez Cuesta, Xosé Filgueira Valverde e Leodegário A. de Azevedo Filho. Realizou actividades científicas e académicas por invitación na Universidade do Porto, Universidade de Coimbra, Universidade Nova de Lisboa, Universidade de Lisboa, Universidade dos Açores, Universidade do Estado do Rio de Janeiro, Universidade Federal do Rio de Janeiro e Universidade Federal da Bahia, entre outras institucións. Pertence ao Centro Interuniversitário de Estudos Camonianos. É integrante dos consellos de redacción das revistas Grial, Quaderns. Revista de tradució e Limite. Revista de Estudios Portugueses y de la Lusofonía. A figura de Camões constitúe especificamente unha das súas principais liñas de investigación, centrando a atención neste ámbito sobre todo nos problemas editoriais e interpretativos das súas creacións no xénero lírico, nas lecturas críticas das súas obras por outros autores ao longo do tempo e na recepción que mereceu a súa produción literaria nos espazos galego e español. É autor da monografía De tão divino acento em voz humana (Leituras dos Sonetos de Camões) e de máis dunha cincuentena de artigos e capítulos de libro de temática camoniana, alén de tradutor do Auto chamado dos Enfatriões.

Publicacións nas que participou Xosé Manuel Dasilva

Materiais de Xosé Manuel Dasilva

Xosé Manuel Dasilva nas actividades do CCG