Manuel Núñez Singala

Na actualidade, e desde o ano 1988, é director do Servizo de Normalización Lingüística da Universidade de Santiago de Compostela. Con anterioridade foi bolseiro do Instituto da Lingua Galega, bolseiro na Unidade de Tradución do Parlamento de Galicia e funcionario tradutor do Diario Oficial de Galicia na Consellería da Presidencia da Xunta de Galicia. Foi membro do Comité directivo de Realiter (Rede Panlatina de Terminoloxía), entre os anos 1996 e 2023, unha entidade internacional á que están adheridas máis de cen institucións e organismos de corenta países. Fundador da Coordinadora de Traballadores/as de Normalización da Lingua. Fundador da Sociedade Galega de Terminoloxía. Colaborador na versión galega do Marco europeo común de referencia para as linguas. Foi Coordinador do Comité Técnico de Linguaxes de Especialidade do Consello da Cultura Galega. Autor de: • En galego, por que non?. Editorial Galaxia, 2009 • Sacar a lingua é de mala educación. Editorial Galaxia, 2017 Coautor das seguintes obras: • Vocabulario do Medio Físico. Xunta de Galicia, 1988 • O galego e a información. Editorial Lea, 1996 • O idioma na Universidade de Santiago de Compostela. Universidade de Santiago de Compostela, 1998 • Niveis de competencia en lingua galega. Centro Ramón Piñeiro, 2006 • Lingua e futuro. Edicións Laiovento, 2010 • Avaliación da competencia do alumnado de 4º da ESO nos idiomas galego e castelán. Universidade de Santiago de Compostela, 2010 • Terminoloxía e normalización. Universidade de Santiago de Compostela, 2018 • A lingua en 2050. Catro Ventos Editora, 2021 Foi coordinador das seguintes publicacións: • Mellorando os Servicios (2 volumes). Universidade de Santiago de Compostela,1997 • Curso de lingua galega para non galegofalantes. Xunta de Galicia-Everest, 2000 Así como autor de artigos en revistas especializadas e de conferencias e comunicacións en numerosos congresos e xornadas. No terreo da creación literaria ten publicado unha decena de títulos de narrativa e teatro.