Epístola na que Carlos Casares lle relata a Ramón Piñeiro o éxito que tivo o curso de lingua e literatura galegas organizado en Ourense en 1973. Tamén lle relata o incidente que tiveron coa Delegación do Goberno pola difusión do programa de man do acto do Día das Letras. Xunto coa carta, envíalle dous recortes de prensa, un que recolle o acto de clausura do curso de galego organizado pola Agrupación Cultural Auriense, e outro cunha entrevista ao poeta Manuel María. Fonte: fondos da Fundación Penzol.
