Xornada - Redescubrindo a figura de Avelino Cachafeiro, o Gaiteiro de Soutelo. Xoves, 16 de xaneiro de 2025
Xornada

Redescubrindo a figura de Avelino Cachafeiro, o Gaiteiro de Soutelo

  1. Inicio
  2. Eventos
  3. Xornada

Xornada

Redescubrindo a figura de Avelino Cachafeiro, o Gaiteiro de Soutelo

Xoves, 16 de xaneiro de 2025
Santiago de Compostela
Xornada

Redescubrindo a figura de Avelino Cachafeiro, o Gaiteiro de Soutelo

Xoves, 16 de xaneiro de 2025 Santiago de Compostela
O ano 2024 marcou o centenario do recoñecemento de Avelino Cachafeiro Bugallo como o mellor gaiteiro de Galicia, un fito que consolidou a súa figura como un dos maiores expoñentes da música tradicional galega. Este momento histórico, celebrado con grande entusiasmo, non só puxo en valor a arte de Avelino, senón que tamén destacou a súa profunda conexión cun dos intelectuais máis influentes da época: Alfonso Daniel Rodríguez Castelao.

Castelao, recoñecido escritor, debuxante e activista galeguista, foi un dos primeiros en enxalzar o talento de Avelino. En 1924, pouco despois da vitoria do gaiteiro no concurso que lle outorgou o título de Mellor gaiteiro de Galicia, Castelao dedicoulle un artigo en Galicia. Diario de Vigo. Neste texto, ademais de felicitalo, inmortalizou o momento cun icónico debuxo que representaba ao gaiteiro de Soutelo e plasmou a esencia do acontecemento nunha copla que se fixo famosa:

Toca, gaiteiriño, toca,
meniñas, correi a vel-o,
qu’é moita gaita a gaitiña
do gaiteiro de Soutelo.

O debuxo, cargado de simbolismo e destreza artística, foi só o inicio dunha serie de traballos dedicados a Avelino, entre os que destaca outro debuxo que se conserva actualmente no Museo de Pontevedra.

En 2025, cumprido o século do recoñecemento de Avelino Cachafeiro como o mellor gaiteiro de Galicia, a conmemoración do 75º cabodano de Castelao supón unha boa ocasión para lembrar ambas as figuras centrais na configuración da identidade cultural galega. Para iso, o músico e investigador Rubén Troitiño explorará a vida do recoñecido gaiteiro, dende os seus comezos na aldea de Soutelo de Montes ata a súa emerxencia como unha icona da música galega, e o periodista Siro López abordará a faceta do Castelao viñetista, con especial atención á simbólica imaxe do gaiteiro.

Trátase dunha iniciativa imprescindible para todas as persoas interesadas na cultura galega, na música tradicional e no legado de persoas que, como Avelino e Castelao, definiron a nosa identidade colectiva.
Programa
Redescubrindo a figura de Avelino Cachafeiro, o Gaiteiro de Soutelo
Programa en PDF
Prensa
15-01-2025

Unha xornada explora a relación entre Castelao e Avelino Cachafeiro, que entra no Álbum de Galicia

Ficha técnica 
Xornada
Redescubrindo a figura de Avelino Cachafeiro, o Gaiteiro de Soutelo
Cando
Xoves, 16 de xaneiro de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Relator/a
Siro López Lorenzo
Rubén Troitiño García
Inauguración
Rosario Álvarez Blanco
Alejo Amoedo Portela
Organiza
Consello da Cultura Galega
Evento
Ano Castelao
Ano Castelao

Imaxe da portada: Ilustración do Gaiteiro de Soutelo realizada por Castelao e publicada no xornal Galicia. Diario de Vigo, 10 de agosto de 1924.