Xornada - Manuel Torres. O renovador descoñecido. 17 de xuño de 2025
Xornada

Manuel Torres. O renovador descoñecido

  1. Inicio
  2. Eventos
  3. Xornada

Xornada

Manuel Torres. O renovador descoñecido

Revisando a nosa arte

17 de xuño de 2025
Marín
Xornada

Manuel Torres. O renovador descoñecido

Revisando a nosa arte

17 de xuño de 2025 Marín
Acostumado a figurar sempre no último lugar desa relación de pintores da mellor xeración da nosa plástica, a coñecida como Os Renovadores, que nos anos trinta do pasado século incorporaron as achegas das vangardas históricas á nosa pintura, Manuel Torres convértese no protagonista dunha xornada que, dentro do ciclo Revisando a nosa arte, quere poñer en valor e revisitar unha traxectoria que no creativo, e neses momentos concretos, pode situarse ombro con ombro coa dos seus compañeiros de camada: Laxeiro, Colmeiro, Souto e Maside.

Manuel Torres (Marín, 1901-1995) é o protagonista dunha longa traxectoria pictórica na súa terra, nese Marín no que o mar e as tarefas vencelladas con el serán motivos permanentes na súa obra tanto no aspecto físico do territorio como no aspecto humano. Podemos dividir a súa traxectoria en dúas partes. Unha terá lugar entre 1927 e 1936, alentada polas bolsas da Deputación de Pontevedra, o coñecemento de experiencias pictóricas en Madrid e París e a súa decidida participación nese momento de cambio da pintura en Galicia. Outra será a que xorde das consecuencias desa posguerra e a estadía permanente, ata o seu pasamento, na súa vila natal, un caso insólito fronte ao dos seus compañeiros de xeración, que, por distintas circunstancias, desenvolveron a súa vida e obra en diferentes latitudes.

Un primeiro relatorio da man de Carlos L. Bernárdez será o que nos sitúe nese contexto tan definido polas circunstancias históricas e sociais, así como nas conquistas pictóricas e miradas singulares de cada un dos compoñentes dese movemento renovador. A segunda palestra, a cargo de Ramón Rozas, deterase polo miúdo na figura de Manuel Torres, tanto no creativo como no vital, e en de que maneira todo ese tempo se asume como un exilio interior en Marín. Rematará a xornada, que se levará a cabo no Museo Manuel Torres de Marín, cunha mesa redonda á que se incorporarán, ademais dos dous relatores, Antón Sobral, pintor de Marín cunha relación persoal co propio Manuel Torres, e Ángeles Tilve, directora do Museo de Pontevedra, onde se gardan varias das súas pezas artísticas máis relevantes.
Programa
Manuel Torres. O renovador descoñecido
Programa en PDF
Prensa
16-06-2025

O ciclo Revisando a nosa arte achégase á figura do pintor marinense Manuel Torres

Temáticas
Arte
Ficha técnica 
Xornada
Manuel Torres. O renovador descoñecido
Revisando a nosa arte
Cando
17 de xuño de 2025
Onde
Marín
Lugar

Museo Manuel Torres
Avda. de Ourense, 3
36900, Marín

Coordinación
Ramón Rozas Domínguez
Relator/a
Carlos L. Bernárdez
Ramón Rozas Domínguez
Antón Sobral Iglesias
Ángeles Tilve Jar
Presenta
Rosario Álvarez
Paula Cabaleiro Comesaña
María Ramallo Vázquez
Organiza
Consello da Cultura Galega
Sección de Creación e Artes Visuais Contemporáneas (CCG)
Colabora
Concello de Marín
Museo Manuel Torres

Imaxe da portada: Manuel Torres, Bodegón dos cacharros, 1965