Xornada - Alberto González-Alegre. Que non pare a música!. 7 de abril de 2026
Xornada

Alberto González-Alegre. Que non pare a música!

  1. Inicio
  2. Eventos
  3. Xornada

Xornada

Alberto González-Alegre. Que non pare a música!

7 de abril de 2026
Vigo
Xornada

Alberto González-Alegre. Que non pare a música!

7 de abril de 2026 Vigo
Alberto González-Alegre (1957-2025), crítico de arte, historiador e comisario de exposicións, foi unha voz imprescindible para entender o devir das prácticas artísticas contemporáneas na nosa comunidade.

A súa achega resulta dificilmente cuantificable. Durante décadas a súa presenza fíxose sentir nos máis diversos ámbitos culturais, moi especialmente naqueles relacionados coas artes plásticas: cursos, conferencias, publicacións, escritos críticos, didáctica, comisariados, múltiples actividades de xestión cultural ou a dirección de institucións tan senlleiras como a Fundación Luis Seoane (A Coruña).

Como poderían testemuñar decenas de artistas e estudosos, o sistema artístico galego, no seu aspecto máis experimentador e arriscado, forxouse, en boa medida, coa dedicación e a xenerosa entrega de Alberto González-Alegre, incansable no seu apoio aos proxectos e ás iniciativas que o fixeron avanzar.

Manter vivo o seu legado é unha obrigación ineludible para todos e todas nós. Non poderemos revivir a súa paixón e a súa disposición de ánimo, sempre disposto a implicarse, pero si podemos preservar o seu legado intelectual: os seus traballos xa forman parte dun patrimonio colectivo que temos o deber de preservar e defender do esquecemento.

Dende a Sección de Creación e Artes Visuais Contemporáneas do Consello da Cultura Galega, queremos celebrar a súa figura nunha xornada de homenaxe, memoria e reflexión, escoitando diferentes voces do sistema da arte galega (artistas e profesionais do comisariado, da crítica, da xestión, da investigación e da docencia) que o coñeceron de preto e traballaron cunha persoa irrepetible, que tanto fixo polo contexto artístico da nosa comunidade.
Programa
Alberto González-Alegre
Programa en PDF
Prensa
06-04-2026

A figura de González-Alegre, referente das artes visuais contemporáneas, centra unha sesión en Vigo

Temáticas
Arte
Ficha técnica 
Xornada
Alberto González-Alegre. Que non pare a música!
Cando
7 de abril de 2026
Onde
Vigo
Lugar

Museo de Arte Contemporánea de Vigo
Rúa do Príncipe, 54
36202 Vigo, Pontevedra

Coordinación
Paula Cabaleiro Comesaña
Ángel Cerviño López
Relator/a
Ángel Cerviño López
Pablo Fanego
Xosé Lois Gutiérrez Faílde
Pedro de Llano Neira
Carme Nogueira Alonso
María Luisa Sobrino Manzanares
Miguel von Hafe Pérez
Modera
Paula Cabaleiro Comesaña
Organiza
Consello da Cultura Galega
Sección de Creación e Artes Visuais Contemporáneas (CCG)
Colabora
Museo de Arte Contemporánea de Vigo

Imaxe da portada: Paz Raña