Ordenouse presbítero en 1909 e foi secretario dende 1916 da Sociedad de Amigos del País. Estudou arqueoloxía prehistórica e protohistórica. Membro da RAG (1925) e encargado da sección de Arqueoloxía e Historia da Arte no Seminario de Estudos Galegos (1928). Foi un dos maiores divulgadores da cidade compostelá a traves das súas charlas e conferencias, emitidas pola BBC de Londres (1943-54). Escribiu artigos na prensa e en revistas coma Nós ou o Boletín da RAG. Publicou, entre outras obras, Las catedrales gallegas (1950), Estudios jacobeos (1954) ou A pelengrinaxe ao Xacobe de Galicia (1965).
