Marián Fernández Álvarez

Licenciada en Xornalismo pola USC e Certificada por Google en Marketing e Xestión de Contidos Dixitais. É socia da Cooperativa Cultural O CABLE INGLÉS, onde traballa como responsable de comunicación e coordinadora de proxectos. A súa traxectoria está enfocada ao ámbito da comunicación. Ten traballado como xornalista para institucións, entidades e medios de comunicación; tamén como guionista, redactora de contidos web, social media manager e creadora de campañas e contidos audiovisuais. Dentro do ámbito musical, foi responsable de comunicación dos Premios Martín Códax da Música (2013-2017), o I Festival da Música ao Vivo (2015), as coleccións musicais ‘Sonárbore’ e ‘Los Sueños del Gatipedro’ (Ed Galaxia), a Orquestra Sinfónica Vigo430, o VI Congreso de Musicoterapia (2017), o Festival Jazz de Ría (2018), a banda Ruxe Ruxe, e María Fumaça. Fixo parte dos equipos de comunicación do WOMEX (2016) e A Cultura Circula (2007). Como socia de MIM e da AGPXC, presentou o informe ‘Cara as lentes violetas na Música’ no marco da xornada ‘Mulleres e Música’, promovida pola Deputación da Coruña, dentro do programa ‘A Cultura é un dereito’ (maio 2018).