Colección: Valentín Paz Andrade con Isaac Díaz Pardo

----

Castelao (1886-1950)
Colección: Valentín Paz Andrade con Isaac Díaz Pardo

Político, escritor, pintor, médico e debuxante, ex-ministro da República no exilio así como un dos pais do nacionalismo galego.

Temos 4 epístola/s relacionada/s con Castelao (1886-1950) en Colección: Valentín Paz Andrade con Isaac Díaz Pardo

206

Total de epístolas relacionadas con Castelao (1886-1950) no Proxecto Epístola

Data	Título	Orixe-Destino	Relación	[ O. ]
Data	Título	Orixe-Destino	Relación	[ O. ]
1971-09-03	Carta de Díaz Pardo a Paz Andrade. 1971	Sargadelos - Vigo	Mencionado/a	Orixinal - Transcrición Transcripción da Carta de Díaz Pardo a Paz Andrade. 1971 en 03/09/1971 3.9.1971 Sr. D. Valentín Paz Andrade Vigo Querido Valentín: Sei de vosas derradeiras novas por Seoane cando estivo ahí. A min foime imposible baixar ás terras quentes de Galicia. Luís vos terá informado da miña doenza: un ruidiño fino e cabrón como unha chispa eléutrica que me atravesa a cabeza casi constantemente. O García Sabell emperrouse en faguerme un tratamento casi todo a base de sedantes que me engordaron 8 kilos e me aumentaron moito mais o ruidiño ise. Ando desesperado. Boeno, falarche a ti de doenzas coas que ti tes enriba e perto semella cáseque unha cousa feita a mantenta pra te agonear mais. Hoxe veño por outra cousa. Tíñasme falado de que había aparescido un depósito de álbums Nos de Castelao. Agora isto intresábame coñecelo, é dicir: confirmalo, e si posible fose coñecer si semellante depósito podería mercarse. Cantidade e precio. ¿Qué podes dicirme disto? Agradeceríacho e se fose posible axiña, millor. Supoño que terás recibido dende o Castro toda clas de información cas ampliaciós do Museo Carlos Maside. Eu estou de continuo por Sargadelos e baixo o Castro soio de 15 en 15 días ou cando hai algunha inauguración disas. De calquer xeito cando pase un pouco o calor quero chegar a Vigo. Avisareite. Non quero molestarche mais. Agardo tuas novas. Garimosas lembranzas pra Pilar e pra todolos teus e un abrazo forte e devoto pra ti de [Isaac Díaz Pardo] Pecha esta fiestra
1971-09-15	Carta de Paz Andrade a Díaz Pardo. 1971	Vigo - Cervo [conc. Cedeira, prov. CO]	Mencionado/a	Orixinal - Transcrición Transcripción da Carta de Paz Andrade a Díaz Pardo. 1971 en 15/09/1971 Vigo,15 de setiembre de 1971 Sr. D. Isaac Díaz Pardo Cerámica de Sargadelos Cervo (Lugo) Querido Isaac, Teño nas maos a túa do 3. Algo sabía da túa doencia, e de que Domingo te tiña en tratamento. Doime ben decatarme agora pol-o que me dices, que aínda non se consigueu reducir as molestias. Eu que tamén teño bastantes, fágome cargo do que andarás a sufrir. Teño fé en que Domingo consiga descubrir a causa, e por cura a un contratempo tan desacougante. De calquera xeito terás que afrontar o problema apurando todal-as posibilidades médicas de que se dispoña. Ben sabes canto nos desexamos a volta a tua plenitude vital. No tocante ao outro asunto de que tratas na carta, temos que falar persoalmente. A viuda de Castelao viña dispondo d-este pequeno resto, e deixou eiquí uns cantos exemplares sobrantes. Do destino e do dereito a disponer d-eles, é do que compre falar. Pol-o momento non pode facerse outra cousa. Teño recibido as informacións sobre os avances do Museo Carlos Maside. Felicítote porque esta criatura vosa medre de xeito tan lucidio. Cecais pase pol-o Castro con obxeto de mercar alguhnas cousas o miércoles 22, pois nesa data teño que asistir a unha vista na Cruña. Trátase d-un compromiso persoal, pos d-outro xeito non asistiría. Na casa seguimos co drama da miña sogra, que nos ten a todos e sobre todo a Pilar ben agoniados. Fago os mellores votos porque recobres a tua saude, coa máis forte aperta do teu sempre incondicioal amigo, Valentín Pecha esta fiestra
1983-12-15	Carta de Díaz Pardo a Paz Andrade. 1983	Sargadelos - Vigo	Mencionado/a	Orixinal - Transcrición Transcripción da Carta de Díaz Pardo a Paz Andrade. 1983 en 15/12/1983 Sargadelos, 15 de decembro de 1983 Sr. D. Valentín Paz Andrade Vigo Benquerido Valentín: Hai poucos días díronme en Madrid esas fotocopias de traballos de Valentín de Pedro sobre Valle Inclán. Foi nun acto que había moita xente e non podo relembrar quen foi. E ademais teño unha vaga idea quen me dou esos traballos expresamente pra ti. Vai tamén esa nota –que me chegou entre outras precisando cousas da guerra civil en Galicia– encol do bou no que se mataron os primos de Castelao. Sería ben que ti a confrontases. Penso que non era exactamente así a idea que tiñas. Trátase dun feito importantísimo no que vai tamén unha muller. Estou pendente de baixar a Vigo, levarte a caricatura de Bagaria e falar. Por favor, non te esquenzas de cubrir ese pequeno currículum pra a ficha e ara extenderte a tarxeta do Seminario de Estudos Galegos do que te fixeron membro vitalicio do Consello, na pasada Asamblea. Apertas tensas a Pilar, Alfonso, o neto, e ti Pecha esta fiestra
1985-07-07	Carta de Díaz Pardo a Paz Andrade. 1985	Sargadelos - Vigo	Mencionado/a	Orixinal - Transcrición Transcripción da Carta de Díaz Pardo a Paz Andrade. 1985 en 07/07/1985 Sargadelos, 7 de xullo de 1985 Sr. Don Valentín Paz Andrade Vigo Benquerido Valentín: Ti me habías dito que os debuxos de cego de Castelao que fixera pra o Galicia os versos pertencíalle tamén. Un dos dibuxos que se expuxo na mostra que orgaizamos, propiedade do Banco de Bilbao, o verso é de Castelao, está sobre o mesmo dibuxo e correxido retocado, por el mesmo. Seoane no seu Castelao Artista, dí que estarían improvisados por periodistas amigos ainda que ten escoitado que os versos eran de Castelao. Os versos dos dibuxos que publica Luis, algúns non traen firma algunha, mais outros están firmados por R.B., P.V. e W.C.S. Si tes algunha idea de cómo era esto agradecereicha. Estamos a facer seis cegos en memoria de Castelao. Cada un leva nas costas un dos versos. Dado o contido político que teñen si non están feitos por Castelao están inspirados por el. Como se vai facer unha notiña histórica acompañando ás pezas, gostaríanos precisar ese dato. Graciñas. A familia de Núñez Búa mandoume moitas cousas del: escritos, a maior parte deles xa publicados, moitos sobre cooperativismo, algúns inéditos. Hai cartas de Otero, de Carro, e tamén túas. Hai que facer un traballo de compilación, pois penso que unha selección de traballos, publicados ou non, recuperarán a memoria deste home que mantivo unha conduta exemplar para Galicia. Entre os papeis, que ainda non puden ver ben, veñen os orixinais do Castelao Artista, de Seoane, e o Castelao escritor, de Eduardo Blanco Amor. Estes dous traballos e outro mais, Castelao Político de Súarez Picallo, foran encargados no ano 50 polo Consello de Galicia. Díxose que só Seoane dira cumplimento ó encargo, e eu así o rexistro na solapa da reedición de Castelao Artista. Agora resulta que o traballo de Blanco Amor existiu xa dende o ano 50, e ademais é un formidable estudo que todavía está vixente. ¿quen sabe si tamén foi escrito o Castelao Político por Suárez Picallo?. Pra un libro no que se compilasen os traballos de Núñez Búa ti terías que facer unha nota limiar relembrando a súa vida. ¿quen senón?. Eu buscaríate datos. Algúns teño que te poderían dar suxestión de relembros. Falaremos destas cousas e de moitas máis. Hai que recuperar esta memoria. Nada mais por hoxe. Non te deixo en paz. Semella que sigo pra ti o mandado de Unamuno: que Deus non che dé Paz e si Gloria. Apertas tensas, voso Isaac Pecha esta fiestra