Persoa: Valentín Fernández

Persoa: Valentín Fernández [2]

Data	Material	Ver
Data	Material	Ver
1970-09-14	Carta de Seoane a Paz-Andrade. 1970 Artes Autores/as Literatura Artes visuais Política Luís Bagaría Giambattista Bodoni Ramón María Valle-Inclán Isaac Díaz Pardo Alonso de Ercilla Valentín Fernández Maruxa Seoane Claude Garamond Rubén Darío Álvaro Gil Varela Johannes Gutenberg Joaquín Ibarra Basilio Losada Juan Naya Pérez Alfonso Paz-Andrade Pilar Rodríguez de Prada Luís Seoane Ramón Tamames Lorenzo Varela	Ver [Carta mecanografada] Transcripción da Carta de Seoane a Paz-Andrade. 1970 en 14/09/1970 Buenos Aires, 14 de setembro de 1970 Sr. D. Valentín Paz Andrade Vigo Meu querido Valentín: Acabamos de recibir noticias de Isaac referidas a túa saúde. Supoñemos estarás xa en Vigo e terás superado o[u] estarás superando a doenza, eisí paresce entender na leitura da carta que nos puxo Isaac e eisí o desexamos nós de todo corazón pois si algunha persoa queremos de verdade en Galicia e a tó, a tí e Pilar se entende, sodes algunhas das poucas, enmáis da fonda demiración que temos por tí, pola tua inquedanza, polo traballo que levas feito encol de Galicia, pola tua lealtade nunha terra onde, en xeral ó meu xuicio, os exemplos de lealtade viven fora dela. Debíache carta dende que chegamos. Estiven traballando moito. Teño feito casi todolos cadros pra unha eisposición que faréi en outubro e fun deixando o escribir dun día pra outro. A Tamames remitinlle con tempo o proieito de mural, xa o verías, un paralelípedo xigantesco representando a conquista e a independencia de América en cada unha das caras importantes, nas mais pequenas unhas estrofas do poema de Ercilla e outras da “Oda a Roos[e]velt” de Rubén Darío. Sería un monumento sinxelo e de verdade, penso, hispanoamericán. Supoño que tí xa o conoces ou falaríanche del. Eiquí, aparte de pintar e recoller mais notas pra dous ou tres pequenos libros que penso facer, Maside, grabador e dibuxante, O pensamento político de Valle Inclán, e Bagaría, aparte desto como che digo, saldrá cecáis dentro de dez días Cuco-Rei, catro ou seis páxinas en papel de coor con pequenas notas encol de cuestiós galegas. Notas moi breves, polo pouco espacio, entre as cales vai unha sobor o teu derradeiro libro, La marginación de Galicia. Cuco-Rei distribúiese gratis. Vaime costar cartos con gosto. Saldrá soio de vez en cando. No primeiro número sae un estupendo e longo poema de Varela. Da coleitividade non teño nada que decirche. Estou arredado dela. Os aitos do Día de Galicia salvounos Basilio Losada. Naya unha calamidade. Por outra parte é tonto traguer a eispoñer á Biblioteca Nacional deiquí 50 libros do século XVII e XVIII que non siñifican nada dende o ponto de vista bibliográfico. En Galicia, por desgracia, non naceron nin traballaron Bodoni, Garamond ou Ibarra. Mais Valentín Fernández non sabe nada de esto e Naya coidou que Buenos Aires era unha aldea. Sospeito que terase ademirado de que na Biblioteca Nacional onde se expuxeron os libros que trouxo garda algunhas páxinas da primeira Biblia impresa por Gutenberg, aparte de ter unha das máis notábeles coleiciós do continente en incu[n]ables e libros do século XVI e ó marxe das coleiciós particulares. Son o tipo de parvadas que se lles ocurre a quenes descubren américas ou sabendo que en Galicia tamén hai xoias bibiográficas, ou pensando que esta cidade, que é a cuarta do mundo oucidental en movimento cultural, vai a sorprenderse do que ten Galicia nese orde. Bueno, non quero darche mais a lata. Quixéramos Maruja i eu que esta carta te atope na casa, en Samil ou en Vigo. Lembrámonos sempre de vos, de Pilar e de tí, de Alfonso. Lembrámosnos da adicatoria que puxeches ó libro, alumeado coa fría lus de neón nesas mesas espantosas de plástico da cafetería Zahara reformada, sen apenas xente e baixo a vixilancia amábel dun empregado do Gran Vía. Nós viñámonos a Buenos Aires dous días despóis, non sabemos ben si con gosto ou tristeza, e lembrámosnos da comida en casa de Álvaro Gil o mesmo día da partida. Unha aperta a todos, a Pilar, á nai de Pilar, a Alfonso, de Maruja e miña. E outra forte pra tí co grande desexo de que te repoñas pronto: [Seoane] Nota: Enviareiche tan pronto como saia Cuco-Rei. Pecha esta fiestra
1974-04-17	Carta de Seoane a Fernández del Riego. 1974 Artes Autores/as Emigración Literatura Artes visuais Política Medios de comunicación Migracións Prensa escrita Alexandre Bóveda Ricardo Carballo Calero Alberto Castro Couso José Corredor Matheos Isaac Díaz Pardo Rafael Dieste Valentín Fernández Francisco Fernández del Riego Maruxa Seoane Celso Emilio Ferreiro Evelina Hervella Carlos Maside Emilio Pita Luz Pozo Garza Luís Seoane Centro Galego. Bos Aires	Ver [Carta mecanografada con firma autógrafa] Transcripción da Carta de Seoane a Fernández del Riego. 1974 en 17/04/1974 Buenos Aires, 17 de abril de 1974 Sr. D. Francisco Fernández Del Riego Vigo Meu querido amigo: Recibín fai xa uns vinte días a tua carta. Agradézoche a reseña que ides facer dos meus álbumes derradeiros; e, no que se refire ó artigo de Corredor Matheos, o crítico de arte de Barcelona, apareceu no nº 27, Novembro do 73 en Bellas Artes 73 e teno Isaac en Sargadelos. Penso que é importante non soio pola autoridade que ten pola sua laboura de historiador de arte e crítico en Barcelona e Madride, senón tamén polo xeito de “situarme” en relación co arte galego e peninsuar. Podes pedirlle a Isaac que te remita unha fotocopia. Él remitíuma a mín. En canto ó “noso novo Curros” como o calificaron, refírome a C. E. F., non me preocupa moito o que escribíu. Proba o seu resentimento. Primeiro penséi en escribir un pequeno artigo referíndome ós seus romances de guerra, o que podería probar a sua precedencia, senón fose que ó mesmo tempo pubriquéi, en publicaciós galegas deiquí, algúns poemas referidos a Bóveda, a unha cubana da Cruña, etc., que non citei nunca e que quedan esquecidos. Gostaríame, eso sí, que pubricásedes o estudo que fixo Luz Pozo Garza, que a mín, aparte do agasallo que supón, paréceme un bon intento de facer unha cousa seria. Aledoume moito que se venda, aínda que sexa de a pouco, Comunicacións mesturadas. Preparo o segundo tomo que levaréi conmigo cando volte a esa. En canto ó libro sobre Maside teño moitas notas tomadas e refírense a Maside e tamén á nosa época compostelán. Vai ser encol do dibuxo social e grabados de Maside e ten de ser un traballo preliminar do gran libro que se faga mais tarde. Non teño mais que poñerme a escribilo defiñitivamente, prácticamente está feito. Aledounos a todos moito o éxito da reedición do libro de narraciós en castelán de Dieste, é un grande libro. Leín as críticas do A.B.C., Informaciones, La Vanguardia, e as duas páxinas que lle adicáchedes en La Voz. Góstame moito que en xeral tivesen os críticos fixado a sua atención no aporte que Galicia fai á literatura española, o galeguismo que aportan obligados como están a escribir en castelán pra poder vivir do seu oficio de escritores. O que me pon nunha situación difícil é Carballo Calero o ter aceptado vir no mes de Xulio. Trataréi de velo, mais non acudiréi a nengún dos actos que faga no Centro Galego, pois fai anos que non vou a ningún e nada me fará cambear. Por ahí debe de andar Castro Couso que non ten interés algún como dibuxante e pintor e que é un “servidor” de Valentín Fernández. A miña proposta de becas feita fai anos rematóu nesta que lla diron a un que non pode aproveitala. A quen se ve moi mal é a Emilio Pita. Pergúntome polo seu libro e díxenlle que pensábades publicalo. ¿Por qué non o facedes?. É un libro pequeno e de un home como Pita a quen Galicia débelle moito polo seu traballo arreo encol déla. Ten unha arterioesclerosis moi avanzada. Apertas pra os dous, Evelina e tí de Maruja e miñas: Seoane [Escrito a man na marxe superior dereita:] Montevideo, 1985-13º-Dpto. 68 Pecha esta fiestra

TERMOS CLAVE DO FONDO Persoas: Seoane, Luís; Seoane, Maruxa; Agra Romero, María Xosé; Cabanas, Constantino; Díaz Pardo, Isaac; Fernández Albor, Gerardo; Barreiro Rivas, Xosé Luís; Castelao, ; Blanco Campaña, Xose Luís; García-Sabell, Domingo; Fraga, Manuel; Cañas, Pilar; Varela, Lorenzo; Perón, Juan Domingo; Scheimberg, Simón; Paz-Andrade, Valentín; Rosón, Antonio; Dieste, Rafael; Velo Mosquera, Xosé; Vázquez, Francisco; Piñeiro, Ramón; Fernández Lores, Miguel Anxo; Sofovich, Bernardo; Murguía, Manuel; Picasso, Pablo; Falcini, Luís; González Laxe, Fernando; Pita, Luis; Montero Díaz, Santiago; Dónega, Marino; Fernández del Riego, Francisco; Peña, Marina de la; Laxeiro, ; Rajoy, Mariano; Cabeza de León, Salvador; Arias “Mimina”, Carmen; Gerstein, Marika; Quiroga Suárez, José; Lifschitz, Rafael; Alberti, Rafael; Beiras, Xosé Manuel; González Mariñas, Pablo; Cuiña, Xose; Shand, William; Lanusse, Alejandro Agustín; Díaz Dorado, Diego; Gómez Román, Manuel; Faraldo, Antolín; Marfany, Enrique; Garcia Labandeira, Xosé Luís; Temáticas: Fondos de Radio Nacional de España en Galicia; entrevista; Fondo: Luís Seoane depositado na Fundación Luís Seoane. ; artes; xustiza; ensino; feminismo; filosofía; Mulleres; Mulleres no Álbum de Galicia; Álbum de Galicia; literatura; artes visuais; nacionalismo; Fondo Miguel Gutiérrez. Propaganda política na Transición; historia; acción política; espazos artísticos; asuntos particulares; prensa escrita; autores/as; migracións; economía; emigración; organizacións; medios de comunicación; Parlamento de Galicia; Procesos electorais; Estatuto de Autonomía de Galicia. 1981; nacionalismo galego; educación; Colección: Isaac Díaz Pardo e Luís Seoane; galeguismo; industria; eleccións; A nova Sargadelos; exilio; ensaio; peronismo; arquitectura; cultura; sindicalismo; Transición; Eleccións ao Parlamento de Galicia. 1981; socioloxía; “cartografías” do Álbum de mulleres; cine; reconversión naval; Exposición de Luís Seoane. Madrid. 1973; sociedade;

Warning: Unknown: 2 result set(s) not freed. Use mysql_free_result to free result sets which were requested using mysql_query() in Unknown on line 0