A presidenta do CCG, Rosario Álvarez; o editor a responsable do proxecto Sarmiento, Henrique Monteagudo; máis Rafael Loureiro, transcritor do catálogo; a Mari Álvarez Lires, autora do estudo crítico sobre o pensamento botánico-químico de Sarmiento; explicarán na presentación as características, contexto e relevancia destas publicacións e os seus achados sobre o frade bieito e o naturalismo.

O obradoiro
O obradoiro “Observando a vida nos parques de Compostela” consiste nunha análise espacial e observación etnográfica en parques da cidade para entender a historia e os tipos de parque, así como a relación entre a cidadanía e eles. Dirixido a público interxeracional e diverso, consiste en facer observacións en diferentes zonas verdes da cidade para elaborar un caderno de campo con anotacións, sons ou fotografías que contará cunha posta en común dos resultados. Por mor da previsión meteorolóxica, a actividade queda finalmente para o sábado 25 de abril. A actividade é de balde pero precisa inscrición previa no correo ucc.galicia@csic.es.