Tras a sesión inaugural de onte pola tarde, o "Congreso Galicia-Irlanda: dúas Fisterras Europeas" iniciou esta mañá a súa andadura no Consello da Cultura Galega (CCG) cunha análise das relacións históricas desde a antigüidade entre os dous territorios, que acabou cun animado debate sobre o celtismo e o "anticeltismo" actual. Deste xeito, abriuse un congreso internacional, organizado pola Sección de Cultura Galega no Exterior do CCG, as universidades de Santiago de Compostela e Cork (Irlanda) e o Comité de Relacións Culturais do Departamento de Artes, Deporte e Turismo de Irlanda, que até o día 24 analizará desde as relacións históricas enraizadas na lenda até a economía e a emigración dos dous países.
Ler máis
Resultados da busca para: 'Carlos Ferrás'
Amosando noticias 1 a 1 de 1