En Galicia existen 176 parques eólicos, cunha potencia de 3.867 megavatios e que están situados en 121 dos 313 concellos. Aínda que non existe un rexistro público oficial, estímase que está en trámite a concesión de 275 parques, que sumarían 7.200 megavatios, o que dá conta da súa dimensión. Os proxectos dos novos parques están a suscitar un gran debate social polo seu impacto no patrimonio e na paisaxe, o que motivou que entre 2020 e 2021 varios colectivos, diferentes administracións e outras entidades se dirixisen ao Consello da Cultura Galega (CCG). Por ese motivo, a institución creou unha comisión de seis expertos, coordinados por Rebeca Blanco-Rotea, que elaborou o informe Enerxía eólica e paisaxes culturais en Galicia. Foi presentando en rolda de prensa esta mañá pola presidenta do CCG, Rosario Álvarez, e a coordinadora do informe, Rebeca Blanco-Rotea, e pide, entre outras medidas, “solicitar unha moratoria na autorización dos parques para poder revisar o Plan sectorial eólico de Galicia e o seu sometemento a avaliación ambiental estratéxica”.
Ler máis
Resultados da busca para: 'David Barreiro MartÃnez'
Amosando noticias 1 a 1 de 1