“Novos relatos da violencia machista” é o título da xornada anual que o Centro de Documentación en Igualdade e Feminismos (CDIF) do Consello da Cultura Galega (CCG) organiza ao fío do 25N, Día internacional da Eliminación da Violencia contra a Muller. A cita, que terá lugar este xoves (9:45 horas) tratará a realidade da violencia de xénero no contexto global actual onde circulan “exabruptos e discursos de odio que superan abondo o linde do distópico, que disparan ás cheas unha narrativa misóxina” segundo o texto de presentación desta actividade. A presidenta do CCG, Rosario Álvarez, e a coordinadora do CDIF, Carme Adán, inauguran esta cita na que participan, entre outros, a politóloga Priscila Retamozo ou a psicóloga Martina González. O evento é presencial e poderá ser seguido en directo a través do web da institución.
Ler máis
Resultados da busca para: 'Pepe Cabido'
Amosando noticias 1 a 1 de 1