Arquivo de noticias do CCG

O Consello da Cultura Galega (CCG) acollerá este mércores, día 2 de novembro, ás 12:00 horas, a rolda de prensa de presentación dunhas xornadas sobre "Os incendios forestais en Galicia". Coa celebración deste encontro os días 7 e 8 de novembro, o CCG tenta ofrecerlle á sociedade galega un foro de reflexión e análise sobre un dos problemas máis graves que ameazan o seu medio natural, os incendios, que cada verán asolan grandes extensión de terreo na Comunidade.

O catedrático e xornalista Ignacio Ramonet, director do xornal "Le Monde Diplomatique", expoñerá no Consello da Cultura Galega (CCG) a súa visión sobre os grandes cambios que está sufrindo a comunicación no novo século e sobre os seus retos de futuro. Ramonet participará en Santiago nas xornadas que celebrará o Arquivo de Comunicación do CCG sobre "Documentación e poder nas sociedades da información. O papel dos arquivos e os observatorios de comunicación" os días 30 de novembro e 1 de decembro.

Os IX Encontros para a Normalización Lingüística, organizados polo Centro de Documentación Sociolingüística de Galicia do Consello da Cultura Galega, continuaron esta mañá en Santiago de Compostela abordando o papel que xogará no futuro do idioma a investigación, as institucións da lingua e a promoción do galego no exterior. Estes Encontros, nos que participan máis de 220 especialistas, pretenden ser o foro no que se faga balance da normalización do idioma e sobre todo, no que agromen propostas para un futuro do idioma no que o impulso político, o consenso social e a vertebración de iniciativas van ser factores ineludibles.

A secretaria xeral de Política Lingüística da Xunta, Marisol López, inaugurou esta mañá os "IX Encontros para a Normalización Lingüística" explicando ao sector as liñas de traballo do seu equipo para os vindeiros anos e as dificultades que atopará a aplicación do Plan Xeral de Normalización Lingüística. As xornadas, organizadas polo Centro de Documentación Sociolingüística de Galicia do Consello da Cultura Galega (CCG), constitúen o foro de referenza anual para as persoas e entidades que traballan na Comunidade na normalización do idioma.

O Centro de Documentación Sociolingüística de Galicia do Consello da Cultura Galega (CCG) celebrará este xoves e venres, días 20 e 21 de outubro, a novena edición dos "Encontros para a Normalización Lingüística". As xornadas, coordinadas por Susana Mayo, constitúen un foro de referenza anual para a análise da política lingüística na Comunidade ao que asisten más de 220 especialistas. O presidente do Consello da Cultura Galega, Alfonso Zulueta de Haz, o secretario do CCG, Henrique Monteagudo, e a secretaria xeral de Política Lingüística, Marisol López Martínez, inaugurarán os Encontros mañá xoves, ás 10:00 horas, na sede da Escola Galega de Administración Pública.

O Consello da Cultura Galega (CCG) acollerá este martes, día 18 de outubro, ás 12:00 horas, a rolda de prensa de presentación dos "IX ENCONTROS PARA A NORMALIZACIÓN LINGÜÍSTICA". As xornadas, que se celebrarán os días 20 e 21 de outubro, constitúen un foro de referenza anual para a análise da política lingüística en Galicia e para o debate e a formación dos especialistas en sociolingüística. O evento está organizado polo Centro de Documentación Sociolingüística de Galicia, pertencente ao CCG.

O presidente do Consello da Cultura Galega (CCG), Alfonso Zulueta de Haz, e a presidenta da Fundación Carlos Casares, Kristina Berg, asinaron esta mañá na sede da institución un convenio entre as dúas entidades para a catalogación dos fondos documentais do legado do escritor Carlos Casares, anterior presidente do CCG.

O presidente do Consello da Cultura Galega, Alfonso Zulueta de Haz, e a presidenta da Fundación Carlos Casares, Kristina Berg, asinarán este venres, día 7 de outubro, un convenio para a catalogación dos fondos documentais do escritor, e anterior presidente do CCG, Carlos Casares. A sinatura do convenio terá lugar ás 12:00 horas na sede do Consello da Cultura Galega (Pazo de Raxoi, 2º Andar. Santiago de Compostela).

As xornadas "A Arquitectura desde Canarias" continuaron esta mañá no Consello da Cultura Galega (CCG) chamando a atención sobre a necesidade de respectar o entorno e a natureza á hora de deseñar os proxectos e de construír, para evitar os "desastres" na paisaxe cometidos nas últimas décadas tanto en Canarias como no resto de España.

As xornadas "A Arquitectura desde Canarias" deron comezo esta mañá no Consello da Cultura Galega (CCG) reivindicando o protagonismo da identidade cultural local na actual arquitectura de referenza. Este encontro reúne a preto dunha trintena de arquitectos canarios e a medio centenar de profesionais e estudantes galegos para reflexionar sobre o feito arquitectónico e intercambiar experiencias e coñecementos entre as dúas comunidades.

A Sección de Arquitectura do Consello da Cultura Galega (CCG) celebra este xoves, venres e sábado, días 29 e 30 de setembro e 1 de outubro as xornadas "A Arquitectura desde Canarias". O encontro pretende ofrecer por primeira vez en Galicia un amplo retrato da arquitectura nesa Comunidade, polo que contará coa participación de máis dunha vintena de destacados arquitectos, críticos e investigadores canarios. O acto de inauguración terá lugar ás 10:00 horas coa participación do presidente do CCG, Alfonso Zulueta de Haz, e cos coordinadores do encontro, Iago Seara e Virgilio Guitiérrez.

A Sección de Arquitectura do Consello da Cultura Galega (CCG) celebrará este xoves, venres e sábado, días 29 e 30 de setembro e 1 de outubro as xornadas "A Arquitectura desde Canarias". O encontro pretende ofrecer por primeira vez en Galicia unha visión ampla e desde diferentes perspectivas da arquitectura nesa Comunidade, polo que contará coa participación de máis dunha vintena de destacados arquitectos, críticos e investigadores canarios.

A Sección de Arquitectura do Consello da Cultura Galega (CCG) celebrará os vindeiros días 29 e 30 de setembro e 1 de outubro as xornadas "A Arquitectura desde Canarias". O encontro pretende ofrecer por primeira vez en Galicia unha visión ampla e desde diferentes perspectivas da arquitectura nesa Comunidade, polo que contará coa participación de máis dunha vintena de destacados arquitectos, críticos e investigadores canarios.

O Consello da Cultura Galega (CCG) presenta esta tarde, ás 19:00 horas, no Museo Massó de Bueu a edición facsímile dunha das obras de referencia na historia pesqueira: "Los pescadores del Norte y Noroeste de España", do investigador Benigno Rodríguez Santamaría. No acto de presentación está previsto que participen o presidente do Consello da Cultura Galega, Alfonso Zulueta de Haz, a conselleira de Cultura, Ánxela Bugallo, a conselleira de Pesca, Carmen Gallego, a alcaldesa de Bueu, María Elena Estévez, e o profesor Francisco Calo Lourido, autor do estudo que prologa a publicación.

O Consello da Cultura Galega (CCG) presentará este mércores, día 7, a edición facsimilar da obra de Benigno Rodríguez "Los pescadores del Norte y Noroeste de España". No acto de presentación participarán o presidente do CCG, Alfonso Zulueta de Haz, a conselleira de Cultura, Ánxela Bugallo, a conselleira de Pesca, Carmen Gallego, a alcaldesa de Bueu, María Elena Estévez, e o profesor Francisco

Os críticos Miguel Anxo Fernández e José Luís Losa expoñerán este venres no Consello da Cultura Galega (CCG) as claves da crítica cinematográfica no ámbito galego. Coa súa intervención pecharase o Obradoiro de Crítica Cinematográfica que desde este mércores celebra a Sección de Artes Plásticas do CCG en Santiago de Compostela e no que participan unha vintena de profesionais baixo a coordinación do crítico de El País Casimiro Torreiro.

A Sección de Artes Plásticas do Consello da Cultura Galega (CCG) celebrará este mércores, xoves e venres, días 20, 21 e 22 de xullo, un obradoiro de crítica cinematográfica. O taller pretende ser un achegamento teórico e práctico a este xénero de man dun dos seus profesionais máis destacados en España, o crítico do xornal El País e profesor de Comunicación Audiovisual da Universitat Autónoma de Barcelona Casimiro Torreiro.

O Concello lucense de Ribadeo e o Arquivo da Emigración Galega do Consello da Cultura Galega celebrarán desde este martes, día 19 de xullo, e ata o vindeiro venres, día 22, a XIII edición das xornadas "Mar por medio" baixo o título "A parroquia de acolá". O encontro contará coa participación de destacados investigadores e profesionais que abordarán a historia da emigración galega e o papel que xoga hoxe e pode xogar no futuro de Galicia.

A partir de hoxe, calquera internauta dispón en lingua galega da ferramenta máis estendida no mundo para a cesión de dereitos de autor. O Consello da Cultura Galega (CCG) realizou a versión no noso idioma das licenzas Creative Commons, adaptadas ao ámbito xurídico español. Estas licenzas permiten aos creadores dispor dun marco flexible de cesión de dereitos de autor en calquera soporte. A versión en galego incrementa as posibilidades de uso da nosa lingua na rede e facilita a diversidade da creación cultural dentro dun movemento de carácter mundial.

O Obradoiro de Crítica de Arquitectura Contemporánea que celebra desde este mércores e ata o venres a Sección de Arquitectura do Consello da Cultura Galega continúa esta tarde en Santiago coa intervención de Llàtzer Moix, director da Sección de Cultura do xornal "La Vanguardia". O xornalista catalán falará a partir das 16:30 sobre a divulgación da arquitectura nos medios de comunicación, tendo en conta a súa experiencia profesional nun dos xornais de referenza en España.