Arquivo de noticias do CCG

A través deste espazo, cada seis meses e en razón de un a un, dáse visibilidade a aqueles libros, folletos e documentos dos fondos do CDIF considerados rarezas ou pouco coñecidos debido á súa antigüidade, tipoloxía, forma de produción, procedencia ou xeito de difusión.

Vínculos a diferentes páxinas web agrupados en diferentes categorías que son revisadas e ampliadas periodicamente.

proba

Espazo destinado a dar visibilidade de xeito progresivo ás contribucións das mulleres en todos os ámbitos de relacións sociais.

As biobibliografías de colectividades e organizacións de mulleres configuran unha galería individualizada de agrupamentos que tiveron a súa actividade en Galicia no pasado recente ou remoto. Na súa realización contan con colaboracións externas e especializadas e, sempre que é posible, coa das propias implicadas. Segundo pasa o tempo, pasan por revisións e novas incorporacións.

As cartografías son unha homenaxe. Configuran un repositorio documental que xira arredor da traxectoria vital, persoal e laboral, dunha persoa que merece ser destacada nun ou varios ámbitos de actividade nos que desenvolveu e/ou desenvolve a súa produción.

Para dar visibilidade á documentación dos nosos fondos relativa a mulleres concretas, xa falecidas, e que polo de agora non foron tratadas máis polo miúdo, incorpóranse aquí, de xeito paulatino, breves fichas biográficas acompañadas das achegas documentais relacionadas con cada unha.

Trátase de repositorios documentais especiais que afondan no lugar das mulleres en ámbitos concretos de actividade social e cultural. Cada monografía conta co asesoramento de persoas especializadas de dentro e fóra do CCG.

As liñas do tempo fan especial fincapé nas referencias de e sobre mulleres que, individual ou colectivamente, deron corpo a accións e acontecementos que a historia oficial, escrita polo xeral desde unha perspectiva patriarcal, androcéntrica e heterosexista, adoita non tomar en conta. Recollen de forma cronolóxica e esquemática acontecementos relevantes sucedidos desde o medievo ata a actualidade. A información distribúese en tres niveis: Galicia, Territorio español e Mundo.

O fondo especial do MFOG é o resultado de traballos iniciados desde mediados do ano 2005. Consiste na reunificación parcial, conservación, posta en valor e difusión da documentación e materias xerados por diferentes organizacións identificadas co feminismo. Son de especial interese grupos e colectivos feministas independentes e tamén os integrados en organizacións mixtas que, desde a década do sesenta do século XX, desenvolveron e/ou desenvolven a súa actividade en Galicia.

Os traballos que están a dar forma ao fondo especial LGTBIQ+ comezan a realizarse a finais de 2019. Ponse en marcha un proceso de recuperación, reunificación parcial, conservación, posta en valor e difusión da documentación e materiais xerados, entre outros por grupos e colectivos de lésbicas, gais, transexuais, bisexuais ou queer, que desenvolveron e/ou desenvolven a súa actividade en Galicia desde a década dos sesenta do século XX.

O Álbum de Galicia é unha colección dixital de biografías de persoas que foron moi destacadas de Galicia en moi diferentes ámbitos, desde a sociedade, a cultura, a ciencia ou a empresa.

O fondo editado do ASG consta de preto de 10.000 exemplares de audio, en distintos formatos, entre os que cabe salientar a colección de discos de lousa. Todo este fondo está catalogado en formato marc en Koha, que é o enlace do catálogo colectivo da Rede de Bibliotecas de Galicia.