PRENSA

Noticias

Arquivo da Emigración Galega (CCG). Rexistros181 a 198 de 198
  1. Inicio
  2. Prensa
  3. AEG-CCG
01/03/2012

Ramón Villares, Benxamín Casal e Claudio Rodríguez Fer presentaron en Lugo o libro "Luís Seoane entre Galicia e Arxentina"

A Galería Sargadelos, (Praza de Santo Domingo, 4 de Lugo) acolleu o 29 de febreiro ás 20 horas a presentación do libro EMIGRANTE DUN PAÍS SOÑADO. LUÍS SEOANE ENTRE GALICIA E ARXENTINA, editado polo Consello da Cultura Galega. O libro subliña a “dobre cidadanía” que marcou a biografía de Luís Seoane “combinando unha idea concibida desde Galicia coa achega dunha perspectiva propiamente arxentina”, en palabras de Ramón Villares, quen alén da dimensión artistica salientou a figura do intelectual "un ideólogo cun proxecto cultural para modernizar Galicia".
Na presentación xunto con Ramón Villares, presidente do Consello da Cultura Galega e editor do libro, interviron Benxamín Casal, presidente da Editorial Galaxia e o profesor da USC e escritor Claudio Rodríguez Fer.
23/12/2011

O Consello da Cultura Galega continuará en 2012 a súa acción exterior con atención especial ao Brasil e a Valentín Paz Andrade

O Consello da Cultura Galega continuará en 2012 as súas estratexias de acción exterior, nomeadamente no Brasil, coa exposición Valentín Paz Andrade, unha antena galega no Brasil. Proseguirá tamén, nun marco de importantes restriccións orzamentarias, as funcións de alta asesoría en materia cultural, os traballos de recuperación patrimonial e a realización de informes e debates que tendan pontes entre o sector cultural e a sociedade galega. O Plenario da institución, que preside Ramón Villares, aprobou o Plan de actividades e os orzamentos para o exercicio do 2012.
13/12/2011

O Consello da Cultura Galega presentou na Coruña as Actas do Congreso Internacional “Luís Seoane. Galicia-Arxentina: unha dobre cidadanía”

A Fundación Luís Seoane acolleu hoxe o acto de presentación das Actas do Congreso Internacional "Luís Seoane. Galicia-Arxentina: unha dobre cidadanía", celebrado en abril de 2010 e coorganizado co Consello da Cultura Galega. O libro agrupa en 500 páxinas as 16 contribucións dos relatores galegos e arxentinos. Na presentaciòn interviron o Alcalde da Coruña, Carlos Negreira, e o Presidente do Consello da Cultura Galega e editor da obra, Ramón Villares.
12/12/2011

Luciano Concheiro, fillo de exiliado galego en México: "É urxente recuperar a memoria do exilio heredado"

"Urxe recuperar o exilio, a memoria do exilio heredado, para a mellor memoria do país que o causou". A emoción subliñou particularmente estas palabras de Luciano Concheiro, profesor e investigador da Universidad Autónoma Metropolitana de México, que hoxe impartiu no Consello da Cultura Galega un seminario sobre "O exilio republicano en México".

02/09/2011

Inaugurada na Pobra do Caramiñal a exposición OS ADEUSES, 73 fotografías da epopea migratoria galega captadas por Alberto Martí

O Consello da Cultura Galega (CCG) e o Centro Galego de Artes da Imaxe (CGAI) inauguraron o 2 de setembro na Casa da Cultura da Pobra do Caramiñal (A Coruña), a exposición itinerante “OS ADEUSES, 73 imaxes da emigración galega (1957-1963)” captadas polo fotoxornalista Alberto Martí. O acto contou coas presenzas de Isaac Maceira, Alcalde de Pobra do Caramiñal, Ramón Villares, presidente do CCG, José María Arias Mosquera, presidente da Fundación Barrié e Banco Pastor, Alfonso Cabaleiro, secretario xeral de Medios da Xunta de Galicia, e Alberto Martí. A exposición estará na Pobra do Caramiñal ata o 20 de setembro. Con anterioridade puido verse na Coruña, Vigo e Santiago de Compostela.
06/07/2011

As Actas do Congreso “Emigración e Educación" reúnen achegas para entender o binomio Galicia-Emigración

“Galicia sería díficil de entender sen emigración, pero moito máis difícil sería imaxinala de non se ter producido esta profunda e sostida onda migratoria, que vencellou estreitamente a imaxe dos galegos no mundo con tantos outros pobos europeos -e non europeos- que tamén foron países de emigrantes”. Así o ve Ramón Villares, presidente do Consello da Cultura Galega e catedrático de Historia Contemporánea da USC, no seu traballo “Vellas e novas formas de entender a emigración”, que abre as Actas do Congreso “Emigración e Educación (1900-1936)”, libro presentado hoxe no Consello da Cultura Galega.
30/06/2011

Ramón Villares clausurou en Las Palmas a exposición "Nos mesmos. Asociacionismo galego na emigración"

O Presidente do Consello da Cultura Galega, Ramón Villares, clausurou hoxe ás 20 horas no Real Club Náutico de Las Palmas de Gran Canaria a exposición NÓS MESMOS. ASOCIACIONISMO GALEGO NA EMIGRACIÓN. A mostra, realizada polo CCG a través do seu Arquivo da Emigración Galega, foi inaugurada o pasado 17 de xuño. Con anterioridade percorreu diferentes paísess europeos e americanos.
06/06/2011

Inaugurada no Museo do Pobo Galego a exposición OS ADEUSES, 73 fotografías da epopea migratoria captadas polo fotoxornalista Alberto Martí

Santiago de Compostela, 26 de maio de 2011.- O Consello da Cultura Galega (CCG) e o Centro Galego de Artes da Imaxe (CGAI) inauguraron hoxe no Museo do Pobo Galego (MPG), en San Domingos de Bonaval, a exposición OS ADEUSES, 73 imaxes da emigración galega (1957-1963) captadas polo fotoxornalista Alberto Martí. O acto contou coas presenzas de Ramón Villares, Presidente do CCG, Fernando Acuña, vicepresidente do Padroado do MPG, Antonio Aguarón, subdirector xeral de Emigración, Alfonso Cabaleiro, Secretario xeral de Medios da Xunta de Galicia e Alberto Martí. A exposición poderá contemplarse en Compostela ata o 26 de xuño. Con anterioridade puido verse en A Coruña e Vigo.
11/04/2011

Vigo acolle o retrato da epopea migratoria da man das fotografías de Alberto Martí

O Consello da Cultura Galega (CCG) e o Centro Galego de Artes da Imaxe (CGAI) inauguraron o venres 8 de abril ás 20 horas na sede da Fundación Barrié de la Maza, en Vigo (rúa Policarpo Sanz, 31) a exposición OS ADEUSES, 73 imaxes da emigración galega (1957-1963) captadas polo fotoxornalista Alberto Martí.
14/02/2011

O catedrático de Historia Contemporánea Xosé Manoel Núñez Seixas, “Consello da Cultura Galega Visiting Professor” na Universidade de Stanford

Xosé Manoel Núñez Seixas, catedrático de Historia Contemporánea da Universidade de Santiago de Compostela e membro do Arquivo da Emigración Galega, do Consello da Cultura Galega, encóntrase dende o pasado 2 de xaneiro na Universidade de Stanford (California, EUA) como "Consello da Cultura Galega Visiting Professor" adscrito ao Center for Iberian and Latin American Studies.
01/02/2008

O debate sobre o voto emigrante plantexou de novo as diferencias entre PSOE, PP e BNG

17/04/2008

O Arquivo da Emigración do Consello da Cultura Galega colaborará na posta en marcha do Museo da Inmigración de Buenos Aires

08/05/2008

O Consello da Cultura Galega catalogará as escolas construídas e financiadas polos emigrantes en Lugo e Ourense

04/12/2009

Ramón Villares participará no Pleno do Consello de Comunidades Galegas e inaugurará, co Presidente da Xunta, a exposición "Nós mesmos" en Montevideo

14/12/2009

O Consello da Cultura Galega presentará o día 17 un informe para a creación do "Museo das Migracións"

17/12/2009

O Consello da Cultura Galega suxire que o futuro "Museo das Migracións" podería integrarse na Cidade da Cultura, como ponte Europa-América

05/04/2010

Ramón Villares e Roberto Varela inauguran o 6 de abril o congreso internacional "Luís Seoane. Galicia-Arxentina: unha dobre cidadanía"

06/04/2010

"O galego Luís Seoane deixou marcas tan fondas que forma parte do panorama artístico arxentino", afirmou Beatriz Sarlo