Ana Luna Alonso

Profesora titular no Departamento de Tradución e Lingüística da Facultade de Filoloxía e Tradución da Universidade de Vigo, onde imparte docencia de grao, mestrado e doutoramento. É investigadora do grupo BITRAGA (Biblioteca da Tradución Galega) da Universidade de Vigo, e participa no proxecto CULTURFIL da USC, que analiza a figura das comunidades convidadas nas feiras internacionais do libro. Entre as súas actividades centradas nos Estudos de Tradución hai que incluír os estudos socioculturais do contexto no que se desenvolven o proceso e o resultado, desde e cara ás linguas minorizadas, a historia da tradución e das persoas que traducen, o estudo dos fluxos de tradución e as políticas de tradución editorial.