Arquivo de noticias do CCG

O Consello da Cultura Galega (CCG) celebrou no serán deste xoves unha sesión plenaria ordinaria na que a presidenta, Rosario Álvarez, debullou a acción institucional no primeiro trimestre do ano. Neste tempo programáronse 88 actividades, realizadas na súa maioría a través do sistema dixital da institución. Entre xaneiro e abril organizáronse máis de cen conferencias agrupadas en quince xornadas, catro produtos audiovisuais, 47 actividades en web entre epístolas, roteiros, entradas biobibliográficas, etc., ao tempo que se elaboraron diferentes produtos como a videocreación do Día da Poesía ou a ficción sonora en formato podcast de “La Lindona de Galicia” sobre un texto pouco coñecido do Século de Ouro español.

En novembro de 2019 o Consello da Cultura Galega (CCG) puxo en marcha o “Foro Patrimonio e Sociedade”, un formato pioneiro que recolleu as inquedanzas, reflexións e propostas de todos os axentes implicados na súa xestión. Este proxecto, coordinado por Rebeca Blanco-Rotea, entra agora na súa recta final cunha xornada homónima que terá lugar entre 19 e o 21 de abril. Durante tres días organizaranse sesións en directo abertas ao público a través do web da institución coa intención de recoller o debate social e incorporalo no documento final que marcará o futuro da xestión patrimonial en Galicia.

“Falamos sempre da pegada de Galicia da II Guerra Mundial pero se cadra é tan ou máis importante a que o conflito deixa en Galicia” asegura Luis Domínguez, coordinador da xornada “Galicia e a II Guerra Mundial”. Esta cita, organizada polo Consello da Cultura Galega, conclúe hoxe cun debate en directo ás 18:30 horas pero todos os relatorios xa se poden consultar desde o web da institución. O coordinador considera que este encontro “puxo de manifesto que o que aconteceu coa II Guerra Mundial foi unha proba de que non estivemos á marxe e, parafraseando aos galeguistas da preguerra, Galicia é unha cédula de universalidade que estivo e está conectada coas correntes europeas”.

Juan Montes (Lugo, 1840-1899) foi un compositor, organista e director de música galego, famoso especialmente por ser o autor da versión musical do poema "Negra Sombra" de Rosalía de Castro. Este martes 13 de abril, cando se cumpren 181 anos do seu nacemento, o Consello da Cultura Galega (CCG) incorpora a súa entrada no Álbum de Galicia. Ademais, ofrece cinco versións históricas procedentes da colección de lousas do Arquivo Sonoro de Galicia do CCG. Estas gravacións, editadas entre 1924 e 1931, están interpretadas por coros galegos e por voces solistas do exterior, o que evidencia a popularidade desta composición.

Pobo xitano: por unha sociedade máis igualitaria II

Pobo xitano: por unha sociedade máis igualitaria II

A Segunda Guerra Mundial é un dos momentos centrais da historia da humanidade. Malia que a Guerra Civil nos deixou oficialmente fóra do conflito e das súas consecuencias inmediatas, Galicia non foi allea ao enfrontamento. Sobre as pegadas sociais, políticas, económicas, literarias, cinematográficas, xeopolíticas e vivenciais que o conflito deixou nesta terra afondarán diferentes expertos na xornada “Galicia e a Segunda Guerra Mundial”. A cita, que está coordinada por Luis Domínguez Castro, terá lugar os vindeiros días 13 e 14 de abril. Os relatorios serán gravados previamente pero os debates terán lugar en directo a través da rede.

Recoñecer legalmente o matrimonio xitano, combater estereotipos, tender pontes, visibilizar desigualdades e lembrar o papel dos maiores son algunhas das ideas que se manifestaron na xornada “Pobo xitano: por unha sociedade máis igualitaria II” que hoxe, 8 de abril, Día Internacional do Pobo Xitano, celebraron o Consello da Cultura Galega (CCG), a Valedora do Pobo e a Fundación Secretariado Gitano. Os relatorios, que foron gravados previamente, xa se poden consultar desde o web e as redes sociais do CCG.

A Facultade de Belas Artes de Pontevedra 30 anos despois

Foi unha figura destacada para entender o xermolo da colectividade galega en Lisboa. Ramiro Vidal Carrera (Taboexa, As Neves, 1887 - Vilasobroso, Mondariz, 1967) é a última incorporación ao Álbum de Galicia. A súa entrada biográfica achega a súa evolución como empresario, pero tamén a súa faceta de político e colaborador en diferentes xornais.

O Consello da Cultura Galega, a Valedora do Pobo e a Fundación Secretariado Gitano volven unir as súas forzas na segunda edición da xornada “Pobo xitano: por unha sociedade máis igualitaria”. Nesta ocasión a cita pon o acento no coidado e o papel que os maiores desempeñan na cultura xitana. A cita desenvólvese mañá xoves, 8 de abril, no Día Internacional do Pobo Xitano que este ano ten unha significación especial porque se cumpren 50 anos do I Congreso Mundial roma/xitano realizado en Londres en 1971, no que se instituíron a bandeira e o himno xitanos. Os relatorios son gravados previamente e difundiranse desde o web e as redes sociais do CCG.

“Fardel de eisilado” foi un dos libros máis queridos por Luís Seoane (Bos Aires, 1910- A Coruña, 1979). Concibiuno como un libro de debuxos con textos e acabou sendo un dos poemarios que inauguraron a poesía socialrealista na literatura galega. A presidenta do Consello da Cultura Galega(CCG), Rosario Álvarez; o secretario xeral da Emigración, Antonio Rodríguez Miranda e a directora da Fundación Luis Seoane, Silvia Longueira, presentaron esta tarde na Coruña a edición facsimilar deste texto. O acto contou coa participación do director do Arquivo da Emigración Galega, Xosé M. Núñez Seixas máis do autor do estudo introdutorio, Gregorio Ferreiro Fente.

“Fardel de eisilado” é unha pequena xoia que encerra moitas historias. Luís Seoane concibiuno como un libro de debuxos con textos e acabou sendo un dos primeiros poemarios que inauguraron a poesía socialrealista na literatura galega. Circulou entre os libros prohibidos no franquismo e amosa outra das caras do poliédrico Seoane. Mañá martes 6 de abril, o Consello da Cultura Galega (CCG) presentará esta publicación na sede da Fundación Luís Seoane. O acto terá lugar ás 19:00 horas e intervirán a presidenta do CCG, Rosario Álvarez; o secretario xeral da Emigración, Antonio Rodríguez Miranda; o vicepresidente da institución e coordinador da colección, Xosé M. Núñez Seixas; a directora da Fundación Seoane, Silvia Longueira, e o autor do estudo introdutorio, Gregorio Ferreiro Fente.

O vindeiro 8 de abril é o Día Internacional do Pobo Xitano, unha efeméride á que neste 2021 se suma outra: o 50 aniversario do I Congreso Mundial roma/xitano realizado en Londres en 1971, no que se instituíron a bandeira e o himno xitanos. Con estas dúas conmemoracións, o Consello da Cultura Galega (CCG), a Valedora do Pobo e a Fundación Secretariado Gitano volven unir as súas forzas para levar a cabo a segunda xornada “Pobo xitano: por unha sociedade máis igualitaria”. Nesta ocasión a cita pon o acento no coidado e o papel que os maiores desempeñan na cultura xitana. Os relatorios son gravados previamente e difundiranse ese día desde o web e as redes sociais do CCG.

“E agora que? Retos de cara ao futuro” esta é a pregunta que pretenderán responder Xosé M. Buxan Bran, Covadonga Barreiro e David Fidalgo na sesión que se poñerá a disposición do público mañá, luns 5 de abril. A cita, organizada pola Sección de Creación e Artes Visuais Contemporáneas do Consello da Cultura Galega (CCG) pon o ramo ao ciclo titulado “A Facultade de Belas Artes de Pontevedra trinta anos despois” que revisou o papel deste centro cando se cumpren tres décadas da súa posta en marcha. A sesión, que foi gravada previamente, subirase á rede mañá e quedará a disposición da cidadanía para consultas futuras.

A Facultade de Belas Artes de Pontevedra 30 anos despois

Proxectou algunhas das construcións máis emblemáticas da Coruña como a fonte de Catro Camiños ou a “Torre Douradas” o primeiro rañaceos da cidade. Foi precisamente na capital herculina onde María del Milagro Rey Hombre (Madrid,1930- A Coruña, 2014) desenvolveu a súa traxectoria profesional como arquitecta e tamén como docente. A súa entrada acaba de incorporarse ao Álbum de Galicia.

A figura de Urbano Feijóo de Sotomayor (1808-1898) é bastante controvertida. Foi un empresario e político galego que promoveu a creación dun plan de colonización que facilitase, en termos xurídicos, económicos, filantrópicos e prácticos a chegada a Cuba de galegos. Un operativo que se iniciou en 1854 e rematou dous anos despois nunha crise motivada polo trato denigrante dispensado aos traballadores. Algúns dos documentos que axudan a comprender esta época están no fondo documental que o profesor Luis T. González del Valle acaba de doar ao Arquivo da Emigración Galega do Consello da Cultura Galega (CCG) con intermediación da Secretaría Xeral da Emigración.

O xurado da game jam "Afonso X e Galicia" declarou por unanimidade gañador o xogo “O mester”, presentado por Carlos Balado e Pablo García de los Salmones. O videoxogo parte da tradición musical das Cantigas de Santa María, e propón duelos musicais cos personaxes das ilustracions do Códice. A entrega do premio, dotado con 250 euros en metálico, terá lugar o venres 16 de abril.

Ficción sonora da comedia do Século de Ouro