Arquivo de noticias do CCG

“Nunca tivemos un momento máis acaído que o actual para falar da liberdade coma agora, nun contexto de pandemia” asegura Carme Adán, coordinadora do Festival de Filosofía que ten como título “Libres. En serio?” e que se desenvolve desde mañá no Consello da Cultura Galega (CCG). A cita xunta nomes recoñecidos do pensamento e do ámbito cultural como a sexóloga Valérie Tasso, a directora de cine Sonia Méndez, o editor Francisco Castro ou a escritora Inma López Silva. Durante dous días falarase de tinder, fútbol e series de televisión e de como afectan á nosa liberdade. A xornada poderase seguir en directo desde a web do CCG.

A diversidade lingüística, a súa riqueza e a necesidade de potenciar ese pulo foron as principais ideas que se abordaron na xuntanza desenvolvida hoxe na sede do instituto Cervantes en Berlín entre os responsables do Consello da Cultura Galega (CCG) e os institutos Cervantes, Etxepare e Ramón Llull. A cita encadrábase na celebración do Día Europeo das Linguas, que se conmemora cada 26 de setembro. A xornada continúa pola tarde cunha mesa redonda na que participará, entre outras figuras, a historiador Ramón Villares.

O Instituto Cervantes en Berlín acolle hoxe xoves un acto co que o Consello da Cultura Galega e os institutos Cervantes, Etxepare e Llull celebran o Día Europeo das Linguas. “Comunicación e diversidade. O futuro do multilingüismo en Europa” é o título da mesa redonda prevista para este día e poderase seguir en directo a través da canle de Youtube do Instituto Cervantes.

proba

Espazo destinado a dar visibilidade de xeito progresivo ás contribucións das mulleres en todos os ámbitos de relacións sociais.

As biobibliografías de colectividades e organizacións de mulleres configuran unha galería individualizada de agrupamentos que tiveron a súa actividade en Galicia no pasado recente ou remoto. Na súa realización contan con colaboracións externas e especializadas e, sempre que é posible, coa das propias implicadas. Segundo pasa o tempo, pasan por revisións e novas incorporacións.

As cartografías son unha homenaxe. Configuran un repositorio documental que xira arredor da traxectoria vital, persoal e laboral, dunha persoa que merece ser destacada nun ou varios ámbitos de actividade nos que desenvolveu e/ou desenvolve a súa produción.

Para dar visibilidade á documentación dos nosos fondos relativa a mulleres concretas, xa falecidas, e que polo de agora non foron tratadas máis polo miúdo, incorpóranse aquí, de xeito paulatino, breves fichas biográficas acompañadas das achegas documentais relacionadas con cada unha.

Trátase de repositorios documentais especiais que afondan no lugar das mulleres en ámbitos concretos de actividade social e cultural. Cada monografía conta co asesoramento de persoas especializadas de dentro e fóra do CCG.

As liñas do tempo fan especial fincapé nas referencias de e sobre mulleres que, individual ou colectivamente, deron corpo a accións e acontecementos que a historia oficial, escrita polo xeral desde unha perspectiva patriarcal, androcéntrica e heterosexista, adoita non tomar en conta. Recollen de forma cronolóxica e esquemática acontecementos relevantes sucedidos desde o medievo ata a actualidade. A información distribúese en tres niveis: Galicia, Territorio español e Mundo.

O Consello da Cultura Galega (CCG) e os institutos Cervantes, Etxhepare e Ramón Llull realizarán o vindeiro xoves 24 na sede do Instituto Cervantes de Berlín unha reunión presencial de traballo e unha mesa redonda –que se retransmitirá por Youtube– arredor da realidade plurilingüe de España e a diversidade lingüística de Europa. Ambas as iniciativas están organizadas con motivo do Día Europeo das Linguas, que se celebra cada 26 de setembro.

“Ensayo histórico de la cultura gallega” é unha obra cimeira de Ramón Otero Pedrayo concibida para explicar a cultura galega para fóra. O Consello da Cultura Galega (CCG) acaba de reeditar a versión orixinal deste texto en edición de Xosé Antonio López Silva e cun limiar do historiador e expresidente do CCG Ramón Villares. “Está escrito para demostrar que existe esa cultura, por razóns étnicas, xeográficas, relixiosas e, parcialmente, tamén políticas” apunta Villares na introdución. Acompaña a esta presentación un audiovisual en que o autor do limiar e Xosé Manoel Núñez Seixas, vicepresidente da institución e recoñecido historiador, contextualizan e explican este texto baixo a moderación de María Xosé Agra. Ademais, esta publicación supón tamén o arranque de #citaNós, un proxecto de divulgación de citas emblemáticas da xeración Nós para as redes sociais.

“Libres. En serio???” este é o título do Festival de Filosofía que organiza o Consello da Cultura Galega (CCG). A cita terá lugar os vindeiros días 25 e 26 de setembro en diferentes espazos de Santiago. Figuras como a sexóloga Valérie Tasso, a xornalista Lucía Taboada, o columnista Rafa Cabeleira e moitos outros nomes coñecidos reflexionarán sobre tinder e o poliamor, o fútbol e as series de televisión. Carme Adán é a coordinadora desta cita, que chega da man da Sección de Pensamento do CCG. Por mor da situación sanitaria actual, a capacidade é máis reducida do habitual e precísase inscrición previa, que se pode facer a través do sitio web consellodacultura.gal.

A cultura popular galega está poboada de heroes lendarios e seres mitolóxicos que chegaron ou saíron do mar. O Teucro, o Urco, a Serea de Sálvora ou a Maruxaina son só algún exemplos dese universo que marcou a nosa literatura. Tres autores como Pemón Bouzas, Manuel Bragado e Marilar Aleixandre, baixo a coordinación de Olivia Rodríguez, analizarán mañá esa influencia no parladoiro “A Galicia navegante no imaxinario literario” (Fundación Barrié da Coruña, 19:300 horas). O Consello da Cultura Galega (CCG) organiza esta mesa redonda como complemento da exposición “Inventio mundi” que se pode ver nese mesmo espazo ata o 25 de outubro.

Virxinia Pereira foi moito máis que a muller de Castelao. Foi unha destacada figura antifranquista e tamén o guieiro da memoria do seu home tras a súa morte. Boa parte da súa personalidade e preocupacións poden verse a través do seu epistolario. O Consello da Cultura Galega (CCG) pon desde hoxe á disposición da cidadanía as cartas que intercambiou con Valentín Paz-Andrade, que nos permiten ver, alén da súa personalidade, a complicada constitución do legado do galeguista durante o franquismo. Ademais, a correspondencia vén acompañada dunha reportaxe contextualizadora e do texto “Virxina e Daniel, a complicidade” en que Miguel Anxo Seixas que aborda a relación do matrimonio.

Acidade da Coruña puido desempeñar un papel histórico na navegación marítima. Noséculo XV,Carlos V quixo abrir desde a cidade herculina unha nova ruta para chegar asillas Molucas sen depender do porto de Sevilla. Para iso creou na Coruña a Casada Especiaría e con ela escribiuse a historia dun fracaso. Esta vía político-marítimaxestou catro expedicións que acabaron todas en desastre e da que non queda ningúnrastro na cidade herculina. Este é o relato que se narra en  “Inventio Mundi”, a mostra organizada polo Consello da Cultura Galega e pola Secretaría Xeral de Emigración. Esta exposición, comisariada por Ofelia Rey, inaugúrase este venres 11 na Fundación Barrié.