Arquivo de noticias do CCG

O Obradoiro de Crítica de Arquitectura Contemporánea que celebra desde este mércores e ata o venres a Sección de Arquitectura do Consello da Cultura Galega continúa esta tarde en Santiago coa intervención de Llàtzer Moix, director da Sección de Cultura do xornal "La Vanguardia". O xornalista catalán falará a partir das 16:30 sobre a divulgación da arquitectura nos medios de comunicación, tendo en conta a súa experiencia profesional nun dos xornais de referenza en España.

Maurici Pla, profesor de Teoría e Historia de la Arquitectura da Universidade Politécnica de Cataluña, é o encargado de inaugurar esta tarde, ás 16:30, o Obradoiro de Crítica de Arquitectura Contemporánea que ata este venres celebra o Consello da Cultura Galega (CCG). Pla ofrecerá unha visión global da arquitectura contemporánea, perfilando as súas características máis salientables, as obras máis significativas e os creadores máis recoñecidos.

O Consello da Cultura Galega e o Museo do Mar de Galicia presentaron esta mañá en Vigo unha obra que lembra a fazaña dos primeiros barcos de investigación pesqueira que existiron en España. Trátase da edición facsímile das dúas institucións da obra "Instruccion sucinta provisional, que deberan observar las embarcaciones destinadas al descubrimiento de nuevos comederos, placeres, ó bancos de pesca de altura en los mares de los dominios del Rey".

A Sección de Arquitectura do Consello da Cultura Galega (CCG) celebrará este mércores, xoves e venres, días 6, 7 e 8 de xullo, un obradoiro sobre crítica de arquitectura contemporánea. Este taller, coordinado por Maurici Pla, abordará a posibilidade de crear unha crítica da arquitectura contemporánea que reconsidere os métodos e os instrumentos empregados na súa realización, que esclareza as relacións entre a arquitectura e a sociedade na que xorde, e que inscriba os acontecementos contemporáneos no marco dun progreso máis xeral da historia da arquitectura.

O presidente do Consello da Cultura Galega, Alfonso Zulueta de Haz, e o presidente da Fundación Museo do Mar de Galicia, Francisco López Peña, presentarán mañá martes, día 5, ás 12:00 horas, o libro "INSTRUCCION SUCINTA PROVISIONAL, QUE DEBERAN OBSERVAR LAS EMBARCACIONES DESTINADAS AL DESCUBRIMIENTO DE NUEVOS COMEDEROS, PLACERES, Ó BANCOS DE PESCA DE ALTURA EN LOS MARES DE LOS DOMINIOS DEL REY".

Os investigadores e xornalistas que participan este xoves e venres nas xornadas "A Comunicación no seu tempo", no Consello da Cultura Galega, abordaron esta mañá as perspectivas de futuro e as iniciativas necesarias para avanzar na recuperación da historia da comunicación en Galicia. Estas xornadas, organizadas pola Sección de Comunicación do CCG, reúnen a destacados investigadores, como Armand Balsebre, Timoteo Álvarez e Javier Díaz Noci, para afondar nos piares da historia do xornalismo.

O encontro "A Comunicación no seu tempo" comezou esta mañá no Consello da Cultura Galega analizando o desprestixio que rodea á comunicación de masas e aos seus produtos a pesares de ser os máis consumidos. Estas xornadas, que se celebran este xoves e venres en Santiago de Compostela, reúnen a destacados investigadores, como Armand Balsebre, Timoteo Álvarez e Javier Díaz Noci, para afondar nos piares da historia do Xornalismo.

A Sección de Comunicación do Consello da Cultura Galega (CCG), celebrará este xoves e venres, días 30 de xuño e 1 de xullo, o encontro "A Comunicación no seu tempo". As xornadas afondarán nos piares da historia da noso xornalismo coa participación dalgúns dos investigadores da comunicación e da cultura que máis traballaron nos últimos anos en España sobre a historia dos soportes comunicativos. A inauguración do encontro terá lugar ás 10:00, contando coa presenza do presidente do CCG, Alfonso Zulueta de Haz, e do coordinador da Sección organizadora, Xosé López. Miguel de Aguilera Moyano será o encargado de iniciar as sesións cunha análise dos mitos da comunicación e a cultura e o establecemento dos marcos teóricos para o seu estudo.

O Castelo de Santa Cruz de Oleiros (A Coruña) acollerá este mércores e xoves, 29 e 30 de xuño, as Xornadas "Natureza e cultura. A conservación da biodiversidade galega". O encontro, organizado pola Sección de Ciencia, Técnica e Sociedade do Consello da Cultura Galega e o Centro de Extensión Universitaria e Divulgación Ambiental de Galicia (CEIDA), reunirá a destacados profesionais para reflexionar sobre a biodiversidade, para propor medidas que garantan a súa restauración e conservación e para divulgar experiencias neste ámbito.

A Sección de Comunicación do Consello da Cultura Galega (CCG), celebrará a vindeira semana, os días 30 de xuño e 1 de xullo, o encontro "A Comunicación no seu tempo". As xornadas, que terán lugar en Santiago de Compostela, afondarán nos piares da historia da noso xornalismo coa participación dalgúns dos investigadores da comunicación e da cultura que máis traballaron nos últimos anos en España sobre a historia dos soportes comunicativos.

O Castelo de Santa Cruz de Oleiros (A Coruña) acollerá os vindeiros 29 e 30 de xuño as Xornadas "Natureza e cultura. A conservación da biodiversidade galega". O encontro, organizado pola Sección de Ciencia, Técnica e Sociedade do Consello da Cultura Galega e o Centro de Extensión Universitaria e Divulgación Ambiental de Galicia (CEIDA), reunirá a destacados profesionais para reflexionar sobre a biodiversidade, para propor medidas para garantir a súa conservación e restauración e para divulgar experiencias neste ámbito.

O Consello da Cultura Galega (CCG) presentará este martes, 21 de xuño, as xornadas "NATUREZA E CULTURA. A CONSERVACIÓN DA BIODIVERSIDADE GALEGA", que se celebrarán os días 29 e 30 de xuño no castelo de Santa Cruz, en Oleiros (A Coruña). Estas Xornadas pretenden reflexionar sobre o status actual da biodiversidade, propor medidas para garantir a súa conservación e restauración, así como divulgar experiencias neste ámbito. Para elo contarán con expertos na materia procedentes de destacadas institucións que traballan neste ámbito, como o Ministerio e a Consellería de Medio Ambiente e diversos centros e institutos de investigación.

As Xornadas A arquitectura desde Andalucía continúan hoxe no Consello da Cultura Galega cun achegamento á súa historia recente e aos creadores máis destacados das novas xeracións. O presidente do Consello Superior de Arquitectos de España, Carlos Hernández Pezzi, destacou na súa intervención que o reto do sector nos próximos anos estará en superar o "desfase entre as arquitecturas cultas e as edificacións masivas", en facer crible unha alternativa de calidade para as construcións masivas. Este reto, sinalou, é "un reto do sector privado máis que do público, da empresa e da sociedade civil máis que da Administración, e de el depende que os arquitectos aposten pola innovación".

A Sección de Arquitectura do Consello da Cultura Galega (CCG) celebrará desde este xoves e ata o vindeiro sábado, días 16, 17 e 18 de xuño, as xornadas "A Arquitectura desde Andalucía", coas que se pretende ofrecer por primeira vez en Galicia unha ampla visión da arquitectura nesta Comunidade. Destacados arquitectos, críticos e investigadores andaluces compartirán con profesionais galegos tres días de debate e reflexión sobre as súas traxectorias profesionais e sobre os seus coñecementos e opinións arredor da arquitectura. A inauguración do encontro, a cargo de Alfonso Zulueta de Haz, presidente do CCG, e dos coordinadores das Xornadas, Víctor Pérez Escolano e Iago Seara, terá lugar ás 10:00 horas no salón de actos da institución.

O coordinador da Sección de Lingua e secretario do Consello da Cultura Galega (CCG), Henrique Monteagudo, presentou esta mañá na sede da institución o documento máis antigo escrito en idioma galego en Galicia que se coñece ata o momento. Trátase do ‘Foro do bo burgo do Castro Caldelas’ (Ourense), dado polo rei Afonso IX en Allariz en abril de 1228 e que actualmente se conserva nos Arquivos dos Duques de Alba en Madrid. O documento é unha actualización escrita en galego do texto en latín do foro feito en 1172 polo rei Fernando II de León e a raíña dona Urraca.

O Consello da Cultura Galega (CCG) presentará en rolda de prensa este martes, 14 de xuño, ás 12:00 horas, o simposio que o Instituto da Lingua Galega (ILG) celebra anualmente en colaboración co CCG e que nesta edición versará sobre "A emerxencia do galego escrito".

A Sección de Música e Artes Escénicas do Consello da Cultura Galega (CCG) lembrará este xoves, 9 de xuño, a figura do grande crítico musical Antonio Fernández-Cid. Antonio Iglesias, musicólogo e académico da Real Academia de Belas Artes de San Fernando, pronunciará no salón de actos da institución unha conferencia baixo o título "As cancións galegas dedicadas a Antonio Fernández-Cid" na que fará un minucioso percorrido, ilustrado con fragmentos musicais, da pegada desta figura en cancións e letras de numerosos músicos.

A Sección de Música e Artes Escénicas do Consello da Cultura Galega (CCG) lembrará este xoves, 9 de xuño, a figura do grande crítico musical Antonio Fernández-Cid. Antonio Iglesias, musicólogo e académico da Real Academia de Belas Artes de San Fernando, pronunciará no salón de actos da institución unha conferencia baixo o título "As cancións galegas dedicadas a Antonio Fernández-Cid" na que fará un minucioso percorrido, ilustrado con fragmentos musicais, da pegada desta figura en cancións e letras de numerosos músicos.

A presidenta da Asociación Española de Terminoloxía, M.ª Teresa Cabré Castellví, pronunciará este mércores, día 8, ás 18:30, unha conferencia na sede do Consello da Cultura Galega (CCG) baixo o título "Xestión terminolóxica das linguas minorizadas: presentación xeral e algúns apuntamentos sobre o galego". O acto, no que colabora a Sección de Lingua do CCG, está organizado pola Sociedade Galega de Terminoloxía (SGaT) para presentar as súas actividade para este ano, a súa páxina web e diverso material informativo.

A Sección de Arquitectura do Consello da Cultura Galega (CCG) continúa o seu proxecto de achegamento á mellor arquitectura peninsular coa celebración o vindeiro 16, 17 e 18 de xuño das xornadas "A arquitectura desde Andalucía". Destacados arquitectos, críticos e investigadores andaluces compartirán con profesionais galegos tres días de debate e reflexión sobre as súas traxectorias profesionais e sobre os seus coñecementos e opinións arredor da arquitectura.