Concha Diéguez

É licenciada en Filoloxía Galega pola Universidade de Santiago de Compostela. Desde hai 15 anos traballa en Reverso, onde planifica e executa as accións formativas para entidades públicas e privadas. É experta na formación para desenvolver e mellorar as habilidades comunicativas orais e escritas. Nelas, implementa o learning by doing (aprender facendo) para favorecer a aprendizaxe continua ao longo do curso. Desde hai máis de 15 anos imparte estes contidos nas tres universidades galegas nos plans de formación continua do PAS e do PDI (linguaxe administrativa, elaboración do discurso oral, reciclaxe en lingua galega) e na formación de contidos transversais para alumnado (redacción de traballos de investigación, oratoria para a presentación de traballos académicos e de investigación). Tamén participa nos plans de formación continua da Fegamp, da EGAP, das deputacións e das entidades locais, entre outras. No ano 2005 desenvolveu e impartiu a primeira edición dos cursos de lingua e cultura galega para migrantes, no Concello de Santiago de Compostela. Desde aquela executa esta formación en entidades coma o Concello da Coruña, Vigo, As Pontes, Carballo, Moaña e na Universidade de Santiago de Compostela, entre outras. É docente do módulo de comunicación en varios programas de emprendemento empresarial desde o ano 2014 en entidades como Vives Emprende de Acción Contra el Hambre, VGA Vilagarcía Emprende, Proxecto Verea ou o Centro de Emprendemento da Cidade da Cultura.