Entidade: Independientes en Defensa de la Capitalidad de La Coruña [IDC]

Transcripción da Cartaz electoral IDC en 00/00/1981

Cartel dos Independientes en Defensa de la Capitalidad de La Coruña. Unha das cuestións que había que resolver durante o proceso autonomista foi o da capitalidade, que xa fora motivo de polémica na redacción do Estatuto de 1936. A cidade da Coruña historicamente funcionara como sede administrativa central de Galicia e cordón umbilical con Madrid dende os inicios do Estado Liberal no primeiro terzo do século XIX. Mesmo se reforzou esta consideración ao converterse ‘de facto’ en sede do Estado durante a ditadura, nas estadías estivais de Francisco Franco e a súa familia no Pazo de Meirás. Vigo, o maior centro económico e demográfico, reclamaba a súa idoneidade. A elección da capitalidade en Santiago de Compostela provocou o reforzamento de posturas localistas, que marcaron o desenvolvemento da identidade galega durante anos.