Temática: saudade

Temática: saudade [3]

Data	Material	Ver
Data	Material	Ver
1988-00-00	Homenaxe a Avilés de Taramancos 33: Entrevista en RNE Entrevista Saudade Migracións Biografía Retorno Integración social Memorias Antón Avilés de Taramancos Arquivo Sonoro de Galicia (CCG)Radio Nacional de España Radio Nacional de España - Radio 4	Ver Fragmento de entrevista radiofónica posteriormente dixitalizada Transcripción da Homenaxe a Avilés de Taramancos 33: Entrevista en RNE en 00/00/1988 —¿Despois de pasar tanto tempo por terras colombianas e de integrarte na súa comunidade ¿como viviches o reencontro coa terra, posiblemente idealizada na distancia? —A terra sempre se idealiza e, sobre todo, hai un problema grave, que se vai dividindo a mente en compartimentos e, cando te vas, levas unha imaxe da terra que queda fixa na memoria, unha especie de postal, que, cando chegas de novo, está destruída dalgún xeito porque todo avanza, todo vai para diante e todo iso vaise consumindo e destruíndo co tempo. Entón levas, cando chegas, un pouco a desilusión de non atopar as cousas no seu sitio, polo menos certas cousas no seu sitio. Porque un coñece as árbores e as pedras por onde andou e, cando chega, non as atopa realmente no mesmo sitio. Non atopas realmente a xente no mesmo sitio, e ti sempre a estás vendo na memoria máis ou menos apousentada no sitio en que a deixaches e entón hai unha certa desilusión e un certo enfrontamento contigo mesmo porque sabes que hai algo xa irrecuperable para sempre. Pecha esta fiestra
1988-00-00	Homenaxe a Avilés de Taramancos 38: Entrevista en RNE Entrevista Saudade Biografía Identidade Antón Avilés de Taramancos Arquivo Sonoro de Galicia (CCG)Radio Nacional de España Radio Nacional de España - Radio 4	Ver Fragmento de entrevista radiofónica posteriormente dixitalizada Transcripción da Homenaxe a Avilés de Taramancos 38: Entrevista en RNE en 00/00/1988 —¿E máis facil ser galego fóra de Galicia que dentro? —Ser galego é unha cousa esencial con un e un ten que ser galego a pesar de todo. Agora ben, ser galego fóra de Galicia é unha especie de cruz que un leva encima porque non te podes liberar nunca nin podes ser feliz nunca. Eu convivía con outras comunidades de todas as partes do mundo –porque vós sabedes que América é unha especie de crisol onde se reúne toda a xente do mundo–, e víaos moitas veces en cantidade de festas e de concursos, todos moi felices; e nós sempre estamos un pouco arrastrando ás costas a nosa terra. Iso é unha chaga permanente, algo que non podemos superar; a min iso entristecíame moito porque ás veces quería liberarme pero non puiden liberarme nunca. Quizais ese sentimento de estar fóra é unha cruz que ningún galego pode salvar e que eu sinto aínda agora –porque un queda coa mente dividida– en que tamén teño saudades daquelas terras. É unha saudade doutro tipo, en que un incluso sente alegría de escoitar a música daquelas terras e ao escoitar ás veces a xente de alá que te vén visitar. Cando estaba alá era todo o contrario, había unha especie de sufrimento. Ese desvencello de estar fóra da terra é terrible. Pecha esta fiestra
1988-00-00	Homenaxe a Avilés de Taramancos 39: Entrevista en RNE Entrevista Saudade Biografía Morriña Antón Avilés de Taramancos Arquivo Sonoro de Galicia (CCG)Radio Nacional de España Radio Nacional de España - Radio 4	Ver Fragmento de entrevista radiofónica posteriormente dixitalizada Transcripción da Homenaxe a Avilés de Taramancos 39: Entrevista en RNE en 00/00/1988 —¿Case como un sentimento da emigración continuo? —E sen embargo eu loitei moitísimo en contra do que era a saudade, a morriña e todas esas historias. Tampouco aínda que teñas esa dor e esteas prendido nela dalgún xeito tes que estar loitando permanentemente contra ela e, entón, eu procurei sempre non ser nin saudoso, nin morriñento nin nada diso. Pero si hai un chamamento atávico da terra que non podes superar nunca. Pecha esta fiestra

TERMOS CLAVE DO FONDO Persoas: Avilés de Taramancos, Antón; Lombao, Cristina; González Herrán, José Manuel; Rubia Barcia, José; Díaz, Avelino; Aller, Ramón M.; Otero Pedrayo, Ramón; Castelao, ; Alonso Amat, Fernando; Alonso Ríos, Antón; Unamuno, Miguel de; Lugrís, Urbano; García-Sabell, Domingo; Seárez, José Antonio de; Franco, Francisco; Cabanillas, Ramón; Salvat i Ferré, Ricard; Porteiro García, María Xosé; Xoana I “a Tola”, ; García Lorca, Federico; Piñeiro, Ramón; Prada, Rodolfo; Fernández Osorio-Tafall, Bibiano; Lago Pita, Pablo; Puente, Manuel; Crestar, Antón; González López, Emilio; Blanco Amor, Eduardo; Ferreiro, Celso Emilio; Prisciliano, ; Castro, Rosalía de; Seoane, Luís; Perozo, Xosé Antonio; Ferrer, San Vicente; Meilán Martínez, Manuel; Temáticas: entrevista; literatura; poesía; universidade; guerra; docencia; emigración; teatro; Galego; vídeo; Proxector; Secundario; Universitario; saudade; migracións; retorno; integración social; sociedade; identidade; radio; Lingua. Literatura; conferencias; patrimonio cultural; lingua; familia; estudos; embaixadas; exilio; intelectuais; libros; historia; Historia. Xeografía; Artes plásticas, deseño, música, danza e deporte; historia da arte e estética; física; Ciencia. Tecnoloxía; astronomía e astrofísica; Álbum de Galicia; memorias; cultura; política; morriña; comunicación; homenaxes; lingua galega; obra literaria; Obra poética [libro de Seoane]; formación; Guerra Civil española (1936-1939); ideoloxía;

Warning: Unknown: 2 result set(s) not freed. Use mysql_free_result to free result sets which were requested using mysql_query() in Unknown on line 0