Temática: morriña

Transcripción da Homenaxe a Avilés de Taramancos 39: Entrevista en RNE en 00/00/1988

—¿Case como un sentimento da emigración continuo?
—E sen embargo eu loitei moitísimo en contra do que era a saudade, a morriña e todas esas historias. Tampouco aínda que teñas esa dor e esteas prendido nela dalgún xeito tes que estar loitando permanentemente contra ela e, entón, eu procurei sempre non ser nin saudoso, nin morriñento nin nada diso. Pero si hai un chamamento atávico da terra que non podes superar nunca.