Adán Gonçalves e Belén Lorenzo, docentes de ensino medio, ofrécennos neste vídeo didáctico (2´ 30´´) unha introdución ao ecosistema de cantil da contorna da Torre de Hércules. Explícannos cales son os mecanismos de adaptación de plantas características desta zona como a herba de namorar, o pirixel de mar ou a herba das andoriñas. Tamén nos falan da fauna habitual, como o rabirrubio ou a lagartixa galega.
A peza forma parte dunha serie audiovisual sobre a contorna da Torre de Hércules (A Coruña), un dos espazos de maior biodiversidade da cidade da Coruña, declarado como Espazo Natural de Interese Local (ENIL).
Flora litoral. Cantil. Quen vive aquí?
Adán Gonçalves García Belén Lorenzo Arenal AUTORÍA
8/10/2026 TEMÁTICAS
Galego LINGUA
Secundario NIVEL DE ENSINO
