Contacto de linguas, hibrididade, cambio unha publicacións do Consello da Cultura Galega

Tipo: Libro Colección: Ensaio & Investigacion. Materias:

Ver publicación Descargar publicación

A lingüística contemporánea con frecuencia partiu do presuposto de base de que a situación ideal das linguas é o monolingüismo, tanto no plano social coma no individual, presuposto ao que vai asociada a noción de que cada lingua constitúe un sistema pechado, autocontido e autosuficiente que evolúe segundo unha lóxica interna. Endebén, dun tempo a esta parte as situacións de contacto lingüístico e os fenómenos concomitantes están a ser abordados con outra mirada, como casos merecentes dun estudo específico.

As anteriores consideracións son especialmente relevantes cando se pensa na historia e a situación lingüística actual de Galicia, un espazo sociocomunicativo no interior do cal o prolongado contacto entre o galego e o castelán é unha realidade imposible de ignorar, e con todo moitas veces marxinalizada ou non tida suficientemente en conta na investigación académica.

Neste volume, o concepto de hibrididade é posto en discusión; debátese se resulta útil e apropiado no contexto galego, e se é capaz de arrequecer as controversias sobre as dinámicas culturais e lingüísticas en Galicia, así como sobre cuestións referentes á variación social, á norma e ao estandar, á identidade social, e ás actitudes lingüísticas. En definitiva, este volume pretende contribuír ao debate sobre os ineludibles resultados do contacto lingüístico no contexto e desde a perspectiva galega, asícomo a doutras situacións presentes no ámbito da lusofonía en que o debate é máis que actual e relevante.

Título	Contacto de linguas, hibrididade, cambio Contextos, procesos e consecuencias
Edición	Eva Gugenberger Henrique Monteagudo Gabriel Rei-Doval
Autoría	María Álvarez de la Granja Xosé Afonso Álvarez Pérez Francisco Dubert Eva Gugenberger Ana Iglesias Álvarez Belén López Meirama Dante Lucchesi Marta Negro Romero Fernando Ramallo Fernández Gabriel Rei-Doval Bieito Silva Valdivia Fernando Venâncio
Limiar	Eva Gugenberger Henrique Monteagudo Gabriel Rei-Doval
Publicación	Santiago de Compostela: Consello da Cultura Galega, 2013
Edición	1ª edición
Descrición física	326 p. ; 24 cm.
ISBN	978-84-92923-52-6
Depósito Legal	C 1872-2013
CCG. Signatura	CCG 2013 437
DOI	10.17075/clhc.2013
Url externa	Catálogo RBG
Colección	Ensaio & Investigacion
Materias	lingua sociolingüística cambio lingüístico
Áreas	Centro de Documentación Sociolingüística de Galicia (CCG)
Código QR